TEHAMA

Kitengo hiki kina majukumu ya kusimamia utekelezaji wa kazi za Teknolojia ya Habari na Mawasiliano(TEHAMA), na utoaji wa taarifa za utekelezaji wa mipango ya maendeleo ya Halmashauri kwa vyombo vya habari. Majukumu mengine ni kufanya mawasiliano na taasisi mbalimbali za ndani na nje ya nchi, kuendeleza uhusiano baina ya Halmashauri na taasisi mbalimbali za ndani na nje ya nchi ikiwa ni pamoja na Uhusiano wa Miji mingine.

Kitengo cha TEHAMA kinatoa huduma zake katika idara zote za Halmashauri pamoja na Taasisi zingine za serikali zilizopo ndani ya Halmashauri kama TASAF, Mamlaka ya Maji, Ukaguzi wa shule nk.

MGAWANYIKO WA MAJUKUMU YA KITENGO

Kitengo hiki kinatekeleza majukumu yaliyogawanyika katika sehemu kuu mbili

1: TEHAMA

• Kusimamia Sera, Sheria, Taratibu na miongozo ya Kitengo inayotolewa na serikali juu ya uendeshaji wa Kitengo cha TEHAMA & Uhusiano
• Kuandaa Mpango Mkakati kuhusu Teknolojia ya Habari na Mawasiliano,
• Kuandaa Miongozo na taratibu kwa kuzingatia kwa matumizi salama ya Teknolojia ya Habari na Mawasiliano.
• Kutengeneza mpango wa matengenezo(Preventive na maintenance plan) kwa kila mwaka
  wa fedha na kuutekeleza.
• Kuishauri Mkurugenzi  juu ya ya masuala yanayohusiana na Teknolojia ya Habari na Mawasiliano na utekelezaji wa dhana ya serikali mtandao.
• Kusimamia maendeleo ya Teknolojia ya Habari na Mawasiliano na utekelezaji wake kwa Halmashauri.
• Kutoa na kuratibu msaada wa teknolojia ya habari kwa menejimenti ya Halmashauri.
• Kusimamia na kuratibu kazi za taaluma ya TEHAMA zinazofanywa katika Vitengo na Idara nyingine.
• Kutathimini, kuboresha na kusimamia Teknolojia ya Habari na Mawasiliano na usimamizi wa mifumo ya taarifa/habari iliyosimikwa/iliyowekwa kwenye halmashauri.
• Kufanya tathimini ya mahitaji ya mafunzo juu ya usimamizi wa mifumo ya taarifa na teknolojia ya habari na mawasiliano na kuandaa mpango wa kujenga uwezo
• Kufanya tathimini ya hatari/hasara zinazohusiana na miundombinu ya teknolojia ya habari na mawasiliano na mfumo wa usimamizi wa taarifa na namna ya kuthibiti.
• Kutoa ushauri bora na viwango kwa vifaa vya TEHAMA vinanyo nunuliwa, kufungwa na vinanyotumika kulingana na viwango vilivyowekwa na Serikali
• Kuandaa na kuisimamia sera ya TEHAMA
• Kusimamia Tovuti ya Halmashauri

2. HABARI NA UHUSIANO

1. Kusimamia Sera, Sheria, Taratibu na miongozo inayotolewa na serikali juu ya uendeshaji wa Mifumo, Miundombinu na vifaa vya Habari na Mawasiliano katika Halmashauri Kutoa Matangazo yote ya Kazi na Miradi inayotekelezwa kwenye Halmashauri
2. Kutoa Vijarida, Vipeperushi na Vitambulisho vya kazi kwa watumishi wa Halmashauri
3. Kutangaza Vivutio vya utalii na Maeneo ya Uwekezaji ya Halmashauri kwenye Tovuti, Runinga, Magazeti na Redio Kupiga picha za Matukio mbalimbali yanayotokea katika Halmashauri na Kuyahidhi kwa ajili ya Kumbukumbu  za Halmashauri
4. Kukusanya na Kuaandaa Habari za Halmashauri
5. Kukusanya habari za Halmashauri zilizochapishwa kwenye Magazeti mbalimbali
6. Kukusanya na kutunza habari za mtandaoni zinazoihusu Halmashauri kwa kutumia “Computer” Maalum.
7. Kuboresha mahusiano kati ya Halmashauri, Waandishi wa Habari, Wananchi na Taasisi nyingine.