KAMATI YA FEDHA YALIDHISHWA NA MIRADI YA MAENDELEO.

Posted on: September 17th, 2021

Kamati ya Fedha halmashauri ya Longido Mkoa wa Arusha  imekagua miradi ya maendeleo katika tarafa ya Engarenaibor, Kitumbeine. na Enduimet.

Kamati ilishauri maelekezo yanayotolewa juu ya fedha za miradi hayapaswi kubadilishiwa matumizi kwani kwa kufanya hivyo inapelekea halmashauri kuwa na hoja za kujibu.

Kamati iliwataka wasimamizi wa ujenzi(Kamati ya ujenzi) katika maeneo mbalimbali watakapo taka kufanya mabadiliko ya fedha kuandika barua halmashauri na halmashauri itapitia na kutoa mapendekezo lakini wao hawapaswi kufanya mabadiliko ya kile walichoelekezwa.

Pia kamati imetoa pongezi kwa kamati za Ujenzi kwa kusimamia vizuri miradi mbalimbali katika sekta ya Afya na Elimu  waliyotembelea kwani dhamani ya fedha inaonekana..