KIKUNDI CHA VIJANA WAKABIDHIWA PIKIPIKI

Posted on: July 8th, 2021

Mkuu wa  Wilaya ya Longido Mh. Nurdin Babu  leo tarehe 08/07/2021 amekabidhi pikipiki 5 kwa vijana  wa kata ya Engarenaibor ikiwa  ni utaratibu wa Halmashauri kutoa asilimia kumi kutoka kwenye mapato yake ya ndani kwa vikundi vya kina mama, vijana na watu wenye ulemavu. 

Akikabidhi pikipiki hizo Mh. Babu amewataka vijana hao kutunza vizuri pikipiki hizo ili ziwazalishie na kuweza kurudisha mkopo  utakaowasaidia vijana wengine. Pia Mh. Babu amewaagiza maafisa wa Halmashauri kufuatilia mkopo yote waliyotoa ili isaidie vikundi vingine. 

Mkurugenzi Mtendaji wa Halmashauri Dr. Jumaa Mhina nae amesema Halmashauri Mpaka sasa imevuka Malengo kwa kutoa asilimia 108  kwa vikundi vya vijana, wanawake na  wenye ulemavu kwa mwaka wa fedha 2020/2021  na imejipanga kwa mwaka ujao wa fedha kutoa Zaidi.