LIGI KUUYA MKUU WA WILAYA YAANZA RASMI

Posted on: September 25th, 2017

Na:Saumu Kweka

Approved By Joseph  Peter Mkumbwa. ICTO

        Ligi ya Mkuu wa Wilaya ya Longido Mheshimiwa Daniel Chongolo,imeanza rasmi kwa kufunguliwa rasmi na pambano lililozikutanisha timu za Longido Worriours dhidi ya Kitumbeine Fc.

         Mtanange huo wa aina yake  ulionekana kuwavutia mashabiki wengi ulichezeka vyema huku timu ya Longido Worriours ikiibuka washindi wa pambano hilo baada ya kutandika timu ya Kitumbeine Fc goli  2-0.

      Mechi hiyo ya kirafiki ilipigwa katika viwanja vya Polisi Longido maarufu kama Old Trafod huku timu zote zikicheza kwa nidhamu ya hali ya juu na kufuata kanuni zote 17 za TFF .Lakini kwa bahati mbaya timu zote mbili zilipata idadi ya kadi 6 za njano,Longido Worriours idadi ya kadi 3,na Kitumbeine Fc idadi ya kadi 3 za njano.Ikiwa hakuna timu yoyote iliyoripotiwa mchezaji wake kupewa kadi nyekundu.

       Mechi nyingine itapigwa Septemba 27,siku ya Jumatano saa 10 alasiri katika viwanja vya shule ya Sekondari Longido itakayozikutanisha timu za Longido Veteran dhidi ya Vijana Stars