MAANDALIZI YA STENDI MPYA LONGIDO YAANZA RASMI

Posted on: October 6th, 2017

Na:Saumu Kweka

Approved By Joseph  Peter Mkumbwa. ICTO

 Katika kukuza na kuendeleza pato na maendeleo yake,Halmashauri ya Wilaya ya Longido imeanza kufanya maandalizi ya awali ya kusafisha eneo la stendi  yake ya Wilaya lililopo mkabala na ofisi ya Mkuu wa Wilaya.

 Mhandisi Henry Mshana amesema kuwa kazi ya kusafisha eneo hilo la stendi imeanza rasmi na zoezi la awali la usafishaji ,likikamilika watamwaga changarawe/Moram na kuanza kutumika.

 Aidha Mshana ametanabaisha kuwa vibanda vya biashara katika eneo la stendi vimegawiwa kwa wananchi,na Halmashauri imeandaa michoro tayari kwa ajili ya kuanza maandalizi ya ujenzi huo.

Akifafanua zaidi Mshana amesema kuwa gharama za ujenzi  wa vibanda katika eneo la stendi mpya ya Wilaya zitagharamiwa na mmiliki wa kibanda hicho atapaswa kulipa gharama hizo,Halmashauri kulingana na mkataba  utakaosainiwa baina ya mteja /mmiliki na Halmashauri.

Zoezi zima la kusafisha eneo la stendi zimefadhiliwa na kampuni ya DENICO construction  Company limited,na stendi hiyo itaingiza magari ya aina zote ikiwemo mabasi makubwa ya abiria,Noah,daladala nk.

 Kituo hicho cha stendi ya Wilaya kitaongeza na kukuza pato la Halmashauri, pia kuondoa adha ya abiria kwani kwa sasa magari yanapakia na kushusha abiria sehemu/eneo lisilo rasmi.