Madume ya mbegu aina ya BORAN yawapa tumaini wafugaji Longido

Posted on: May 30th, 2018

Shirika la maendeleo ya jamii  HEIFER  Tanzania International  leo tarehe 30/6/2918 limekabidhi madume 70 aina ya boran  kwa  uongozi wa Wilaya ya  Longido.

Akizungumza wakati wa kukabidhiwa madume hayo katibu Tawala wilaya ya longido ndg.Toba Nguvila  aliipongeza sana shirika la HEIFER  kwa kutambua hitaji kubwa la  jamii   kwani  asilimia 95%  ya wananchi wa longido  wafugaji.

Aidha aliendelea kusema kuwa  kwa wilaya ya viwanda  ni imani yake sasa soko la kuchakata nyama  litakapo kamilika  litapata mifugo yenye afya na nyama  ya kutosha itakayo kidhi mahitaji ya watu.

Nguvila aliwataka maafisa mifugo wa halmashauri wasimamie madume hayo na kuyafuatilia kuhakikisha lengo la mradi linatimia la kuwa na ng'ombe bora wa kisasa.

Naye  kaimu mkurungenzi mtendaji wa Halmashauri ya wilaya longido ndg.Gerson Mtera ametoa ombi kwa shirika la HEIFER kusaidia kupatikana  kwa maji ya mifugo kwani kutokana na mvua zilizonyesha zimesababisha mabwawa matatu kupasuka na matokeo yake  kusababisha upotevu wa maji yaliyokuwa yakitegemewa kwa ajili ya mifugo.

Lakini pia Mtera ameliomba shirika la HEIFER kufikisha mradi huu kwa vijiji vyote vya wilaya ya Longido.

Naye mratibu wa mradi ndg sayaeli amefafanua kuwa mradi huu unatekelezwa kwa muda wa miaka 5 na ulianza mwaka 2015 na utakamilika 2020

Aidha mradi huu unafanyika katika vijiji 8  vya tarafa ya Engarenaibor na Kitumbeine.

Nao wananchi wa vijiji hivyo wamelishukuru sana shirika la HEIFER na kuahidi kuyatunza madume hayo ili wapate  ng'ombe bora katika vijiji vyao na kuweza kuyaboresha maisha yao.