MKUTANO WA KUENDESHA JUKWAA LA WANAWAKE NA VIJANA NDANI YA WILAYA YA LONGIDO

Posted on: January 15th, 2018

Katika kutetea usawa,uwajibikaji,na utawala bora kwa jamii Chama cha wanasheria wanawake Tanzania(TAWLA) kimefanya mkutano wa jukwaa la wanawake na vijana  katika halmashauri ya wilaya ya longido mkoani Arusha leo tarehe 15/01/2018.

 Mikutano kama hiyo imefanyika katika mikoa mitatu Tanzania nayo ni mkoa wa   Arusha,Mwanza na Tanga na kufanyika kwa majimbo matano katika mkoa wa  Arusha ikiwa ni Arumeru
 ( magharibi& mashariki) karatu,monduli na longido. Na lengo kuu ni  kuhamasisha wanawake na  vijana  kushiriki katika  nyanja mbalimbali  za
 uongozi kisiasa katika uchaguzi utakao fanyika 2019/2020.

 Wakati akihutubia mkutano huo aliyekuwa mgeni rasmi ndg. Toba Nguvila ameeleza kuwa TAWLA kushirikiana na wadau wengine wa maendeleo wamekuwa kipaumbele kuhakikisha wanawake na vijana  wanatambua haki zao za msingi kwa kushiriki katika  nyanja mbalimbali za uongozi kisiasa huku wakimwunga rais mkono kuwa haki na
 Usawa katika uongozi ni kazi tu katika utendaji.

 Pia kwaupande wao wananchi wameweza kutoa changamoto na maoni yao juu ya changamoto ambazo zinapelekea wanawake na vijana wengi kushindwa kuwania nafasi mbalimbali katika uongozi  ambazo ni   1; mfumo dume 2; uchu wa madaraka 3;kukosa ujasiri 4;maswala ya kiuchumi 5;imani potofu 6; mfumo duni kielimu 7 ; mifumo ndani ya vyama vya siasa 8; kujijengea imani kuw kijana nitaifa la kesho hivyo hapaswi kugombea kwa sasa.

 Vilevile wametoa maoni yao kuwa  ili kutatua matatizo hayo  ni vyema kuondokana  na fikra potofu,rushwa,chuki na mifumo ndani ya vyama vya siasa.

 Hivyo basi wadau hao wa TAWLA  ambao ni maafisa wanasheria ndg.Ekaria michael,Neema  Ahmed na Silivia Hatbeti wameeleza kuwa pamoja na uhamasishwaji wa wanawake na vijana  pia wame anzisha miradi mbalimbali na kwa sasa wakitekeleza mradi wa  ( WYPRE)  woman & youth Politica Representation Enhanced wenye lengo  la kuongeza ushiriki wa wanawake na vijana  watakaowania nafasi mbalimbali katika uchaguzi ujao yaani  uchaguzi wa serikali za mitaa 2019 na uchaguzi mkuu 2020.