NKINGA DC WATEMBELEA HALMASHAURI YA LONGIDO KUJIFUNZA.

Posted on: November 30th, 2020

Timu ya wataalamu kutoka Halmashauri ya Wilaya ya Nkinga  mkoani Tanga leo tarehe 30/11/2020 wametembelea Halmashauri ya Wilaya ya Longido  kujifunza jinsi Halmashauri ilivyoweza kukusanya mapato ya Mpakani kupitia ushuru wa mazao yanayovuka mpaka, Ushuru wa kuvuka mpaka wa Malori(Boarder closing fee) Ushuru wa Mifugo na ushuru wa  vyanzo  vingine.

Timu hiyo imeongozwa na Mkurugenzi Mtendaji wa Halmashauri hiyo ndugu Rashidi Gembe aliyeambatana na Afisa Biashara Bi Christina Kileo ,Afisa Mipango ndugu John na Mweka hazina ndugu Geofrey Julius.

Akiongea na ugeni huo katika eneo la mnada eworendeke Dkt Jumaa Mhina Mkurugenzi Mtendaji alisema tumewez kupandisha amapato ya serikali kuu kupitia mnada huu wa mifugo wa eworendeke  uliojengwa kwa ufadhili wa Programu ya MIVARF ambapo wizara ya Mifugo wamekusanya  wastani wa bilioni 300 na Halmashauri tumekusanya takribani  bilioni 1.2 kupitia mnada huu toka umeazishwa.

 Pia timu hiyo imeweza kutembelea  kiwanda cha kuchakata nyama kinachojengwa na mwekezaji Elia food overseas,wakiwa kiwandani hapo Dkt Mhina alisema  kiwanda hiki kimeshaanza kazi ambapo  Halmashauri inategemea kupata mapato kutokana na kodi ya huduma na ushuru wa ukaguzi wa nyama(inspection fees) na tutaweza kutekeleza Miradi yetu ya Maendeleo lakini pia serikali kuu itapata mapato  alisema Dkt Mhina.

 Mkurugenzi Mtendaji wa Halmashauri ya Nkinga, Ndg Rashid Mgembe amemshukuru Dkt Mhina kwa ziara yao yenye mafanikio makubwa na kusema hakika ni Wilaya ya Mpakani inayofaa kuigwa na Halmashauri  za mpakani.