Wakuu wa vituo vya Afya na wajumbe wa bodi ya afya wapata mafunzo ya CHF iliyoboreshwa.

Posted on: May 9th, 2018

Wawezeshaji  wa mafunzo  ya afya kwa ngazi ya Halmashauri ya wilaya ya longido wametoa mafunzo ya DHFF,FFARS, CHF ilioboreshwa na mfumo wa  JAZIA(PVS) kwa wakuu wa vituo vya afya ,zahanati pamoja na bodi ya  wajumbe wa kamati za afya

Mafunzo hayo ni mwendelezo  wa mafunzo yaliyofanyika  kwa wataalamu wa afya katika ngazi ya mkoa ambayo yalidumu kwa Siku tatu hivyo kuzinduliwa  kwa ngazi ya Halmashauri na  kaimu mkurungenzi mtendaji ndg. Nestory  Daqaro  tarehe 7, mei 2018 katika ukumbi mkuu wa Halmashauri .

Wawezeshaji hao  wamewaeleza  kuwa mafunzo  hayo  yana lengo la  kuongeza uelewa mpana   kwa maana ya ugatuaji wa Mipango ya Afya na bajeti kwa  utaratibu wa kupeleka fedha moja kwa moja kwenye vituo vya kutolea huduma ya (DHFF) yenye matarajio ya kupunguza urasimu na kuboresha utoaji wa huduma za afya kwa uandaji wa Mipango,bajeti na matumizi yanayolenga kuboresha  huduma za afya.

Hivyo basi  Halmashauri hiyo kushirikiana na wizara ya afya pamoja na wadau mbalimbali wameamua kuboresha utoaji wa huduma za afya kwa kuwaelimisha kwanza mifumo hiyo inavyofanya kazi.