ZIARA YA MAFUNZO YA WAHESHIMIWA MADIWANI NA WATAALAMU TUNDUMA MKOANI SONGWE.

Posted on: September 15th, 2022

Waheshimiwa Madiwani na  baadhi ya Wataalamu wa Halmashauri ya Wilaya ya Longido  wamefanya Ziara ya mafunzo tarehe 15/9/2022 katika Halmashauri ya TUNDUMA na ziara hiyo ilihusu namna bora na yenye tija ya ukusanyaji mapato katika vyanzo mbali mbali vya halmashauri.

Waheshimiwa  madiwani na Wataalamu kwa kushirikiana na viongozi wa halmashauri ya Tunduma wametembelea miradi mbali mbali ikiwepo maegesho ya magari,ushuru wa mpakani, mashine ya kufyatulia tofali pamoja na shule ya msingi yenye mchepuo wa kingereza inayomilikiwa  na Halmashauri.

Mh.Mwenyeki  wa Halmashauri ya Longido Mh. Saimon Oltesoi  amewashukuru sana watumishi na madiwani wa Tunduma kwa namna  walivyotoa mafunzo hayo kwa weredi na ustadi mkubwa ambako ameahidi kufanyia kazi yale yote yalioelekezwa kwa lengo la kuongeza mapato katika halmashauri ya wilaya ya Longido

Pia Mkurugenzi Mtendaji wa Halmashauri ya Longido ndg.Stephen Ulaya amewaomba watumishi pamoja na madiwani kusimamia na kutumia njia nzuri ya makusanyo ya mapato pamoja na kubuni vyanzo bora na vyenye tija katika kupandisha ama kuongeza mapato katika halmashauri"sasa ni wajibu na ni jukumu letu sisi kama halmashauri kuona haja ya kuongeza usimimizi wa mapato ndani ya halmashauri yetu ili kuisadia serikali kupata fedha zitakazo Saidia kuleta maendeleo kama shule hospital barabara maji,umeme hivyo basi niwaombe ndugu zangu tushirikiane kwenye kutekeleza jambo hili kwa maslah mapana ya nchi yetu"Alisema ndugu Stephen Ulaya