Mkuu wa Idara ya Kilimo Umwagiliaji na Ushirika(MR.KASIGA)
Halmashauri ya Wilaya
LONGIDO
ARUSHA
Kilimo ni uti wa mgongo katika Uchumi wa nchi ya Tanzania. Kinachangia kwa asilimia 95% kwa mahitaji ya chakula kwa Nchi. Wilaya ya Longido ina jumla ya Kilomita za Mraba 7, 782, sawa na Hekta 778,200.
Katika Wilaya kuna skimu 2 za umwagiliaji ambazo zinatumiwa na wakulima wadogowadogo. Ukarabati wa Skimu hufanyika kupitia fedha zilizotengwa kwa mwaka wa fedha husika.
Eneo linalofaa kwa kilimo katika Halmashauri ni hekta 36,578 sawa na asilimia 9.4% lakini eneo linalolimwa kwa sasa ni hekta 29,223 sawa na asilimia 3.76%. Eneo linalofaa kwa umwagiliaji ni hekta 1700 na linalomwagiliwa kwa sasa ni hekta 840.Vijiji vinavyojishughulisha na kilimo cha umwagiliaji ni Tingatinga na Ngereyani. Katika Wilaya kuna skimu 2 za umwagiliaji ambazo zinatumiwa na wakulima wadogowadogo.
Kuna mto 1 (Mto simba) unaotokea katika miteremko ya Mlima Kilimanjaro na maji hutumika kwa umwagiliaji na matumizi ya nyumbani.
Maeneo yenye kilimo:
Kilimo huendeshwa kwenye maeneo ya Milimani (uwanda wa juu) ambako ni Kata za Elang’atadapash, Ilorienito, Gelai meirugoi na Gelai lumbwa.
Uwanda wa chini, ambako ni Kata za Engarenaibor, Mundarara na Matale
Maeneo yote magharibi mwa Mlima Kilimanjaro,Kata za Kamwanga, Olmolog na Tingatinga.
Ukanda wa milimani na magharibi mwa Mlima Kilimanjaro hupata mvua za wastani wa Milimita 500 hadi 900 kwa mwaka na Uwanda wa chini milimita 500 hadi 800 kwa mwaka.
Mazao yanayostawishwa ukanda wa milimani ni:
Mahindi, Viazi Mviringo na maharage
Kwa upande wa magharibi mwa Mlima Kilimanjaro mazao ni:
mahindi, maharage, viazi mviringo, Karoti, Njegere, nyanya, vitunguu na ngano
Na uwanda chini mazao ni mahindi na maharage.
Shughuli zinazofanyika katika Sekta ya Kilimo:
Kutoa ushauri kwa wakulima kuhusu mbinu mbalimbali za kilimo bora ili kuongeza kipato cha Mkulima na Taifa kwa ujumla na zoezi hili hufanyika kwa kupitia Maafisa Ugani Kata na Vijiji.
Mbinu hizo ni pamoja na:
Kuanzisha mashamba darasa kwa mazao ya chakula, biashara na yanayostahimili ukame kwa maeneo yote ya kilimo.
Kusambaza na kusimamia matumizi sahihi ya Pembejeo za kilimo kwa wakulima.
Kuhamasisha wakulima kuunda vikundi vya wakulima ili kupata mikopo ya masharti nafuu kutoka Taasisi za Kifedha.
Halmashauri pia imenunua matrekta madogo,Power tillers 5 na kuzigawa kwa vikundi vitano ili kuongeza tija kwa wakulima.
Kutatua migogoro ya watumia maji kijiji cha Ngereyani na Wilaya ya Meru,kijiji cha Ngabobo ili wakulima waendelee kunufaika na kilimo cha umwagiliaji.
Kujenga na kukarabati mifereji ya umwagiliaji ya asili ili kuongeza tija kwa wakulima.
Kufanya utafiti wa udongo na mazao kwa maeneo mbalimbali kwa kushirikiana na Taasisi za Utafiti SARI na ASA lengo ni kukabiliana na mabadiliko ya tabia nchi.
Kuwajengea uwezo maafisa ugani kwa kupitia mafunzo na kuwapatia vitendea kazi,hasa usafiri.
Kutoa elimu ya uhifadhi wa mazao kwa wakulima na wafugaji na Idara imenunua vihenge 16 vya mifano kwa kupitia fedha za DADPs na kuvitawanya kwa Kata mbalimbali ili wananchi wajifunze namna ya kuhifadhi mazao ya nafaka.
Kujenga na kukamilisha vituo 5 vya mafunzo kwa wakulima na wafugaji (Ward Agricultural Resource Center) WARS kwa Kata 5 kwa lengo la kuboresha huduma za Ugani kwa wakulima. `
Kuendelea kushirikiana na Wadau mbalimbali wa maendeleo kwa Sekta ya Kilimo waliopo ndani na nje ya Wilaya ili kupambana na changamoto mbalimbali zinazowakabili wakulima.(iied, LCDO, PWC, TRIAS, OIKOs na Child reach Tanzania)etc.
KITUO CHA RASILIMALI YA KILIMO NA MIFUGO - OLMOLOG
