Fedha na Uhasibu

UTANGULIZI

Idara ya Fedha ni miongoni mwa idara muhimu katika Halmashauri, inayoshughulika na usimamizi wa ukusanyaji wa mapato na matumizi ya fedha. Idara hii pia hutoa ushauri wa kitaalamu kuhusu matumizi bora ya rasilimali za kifedha kwa mujibu wa sheria, kanuni na taratibu za Serikali.

Idara ya Fedha imegawanyika katika sehemu tatu kuu, ambazo ni:

1. Sehemu ya Matumizi
2. Sehemu ya Mapato
3. Sehemu ya Taarifa za Mwisho za Hesabu za Halmashauri (Final Account)

1. SEHEMU YA MATUMIZI

Majukumu ya sehemu hii ni:

• Kuandaa malipo yote ya Halmashauri.
• Kuandaa bajeti ya matumizi ya kawaida.
• Kuhakikisha upatikanaji wa nyaraka zote muhimu za malipo kabla na baada ya malipo kufanyika.
• Kuhakikisha taratibu na sheria za fedha zinafuatwa kikamilifu.
• Kuhifadhi majalada ya kumbukumbu ya malipo yote yaliyofanyika.
• Kufanya usuluhisho wa kimahesabu kati ya taarifa za benki na vitabu vya Halmashauri.
• Kuandaa taarifa za kifedha na kuziwasilisha katika mamlaka husika kwa wakati.

2. SEHEMU YA MAPATO

Majukumu ya sehemu hii ni:

• Kusimamia ukusanyaji wa mapato yote ya Halmashauri kwa mujibu wa sheria na miongozo.
• Kuweka mfumo thabiti wa udhibiti wa mapato.
• Kuweka fedha taslimu na hundi benki kwa wakati.
• Kuandaa na kuwasilisha ripoti mbalimbali za mapato.
• Kuweka utaratibu rahisi na salama wa malipo ya fedha taslimu kwa wateja.
• Kubuni vyanzo vipya vya mapato kwa ajili ya kuongeza mapato ya Halmashauri.

3. SEHEMU YA TAARIFA ZA KIMAHESABU (FINAL ACCOUNT)

Majukumu ya sehemu hii ni:

• Kuandaa usuluhisho wa taarifa kati ya cashbook ya Halmashauri na taarifa za benki.
• Kujibu hoja za ukaguzi wa hesabu.
• Kuandaa taarifa za mapato na matumizi ya Halmashauri.
• Kutunza vitabu vya fedha (cashbook).
• Kuandaa vitabu vya mwisho wa mwaka wa fedha vya Halmashauri kwa mujibu wa miongozo ya Serikali.

MALENGO YA IDARA YA FEDHA KWA MWAKA WA FEDHA 2024/2025

Katika mwaka wa fedha 2024/2025, Idara ya Fedha ya Halmashauri inalenga kutekeleza malengo yafuatayo:

1. Kuongeza ukusanyaji wa mapato ya ndani kwa asilimia angalau 20 kupitia usimamizi madhubuti na uboreshaji wa mifumo ya ukusanyaji.
2. Kubuni na kuendeleza vyanzo vipya vya mapato, hasa kutoka katika sekta za biashara, ardhi, na huduma za kijamii.
3. Kuhakikisha maandalizi ya bajeti yanazingatia vipaumbele vya mpango wa maendeleo wa halmashauri, kwa kuzingatia mwongozo wa bajeti uliotolewa na serikali kuu.
4. Kuwasilisha kwa wakati taarifa zote za kifedha (quarterly reports, final accounts, n.k.) kwa Ofisi ya Taifa ya Ukaguzi (NAOT), TAMISEMI, na wadau wengine.
5. Kuimarisha usimamizi wa matumizi ya fedha kwa kuhakikisha kuwa malipo yote yanafanyika kwa kuzingatia taratibu na sheria za fedha.
6. Kujibu kwa wakati na kikamilifu hoja zote za ukaguzi kutoka kwa mkaguzi wa ndani na wa nje.
7. Kutoa elimu na mafunzo kwa watumishi wa idara ya fedha kuhusu matumizi ya mifumo ya kielektroniki kama vile MUSE,TAUSI
8. Kuhakikisha usuluhisho wa taarifa za fedha kati ya benki na vitabu vya fedha unafanyika kila mwezi, na kuweka kumbukumbu sahihi.
9. Kuongeza matumizi ya TEHAMA katika shughuli za fedha, ikiwa ni pamoja na kuhamasisha ulipaji wa huduma kwa njia ya kielektroniki.
10. Kuboresha mazingira ya kazi ya watumishi wa idara, ikiwa ni pamoja na upatikanaji wa vifaa vya ofisi na nyaraka muhimu.

WATUMISHI WALIO CHINI YA IDARA YA FEDHA :

1. Gregory Hotay - Mkuu wa Idara 
2. Anitha Jason Biteya
3. Cuthbert Njau
4. Deo Miti
5. Diana Chembe
6. Elizabeth Adam Mabula
7. Exaud Mbise
8. Gaudence Saleka
9. Juma Said Nyangasa
10. Lomayani Laroya
11. Loveness Mwanga
12. Mary Mbuya
13. Rajabu Wahone
14. Safina Ishengoma
15. Thomas Mayaya
16. Theogenes Laurent