Huduma zetu-AFYA

HUDUMA ZA AFYA, USTAWI WA JAMII NA HUDUMA ZA LISHE.

Halmashauri ya Wilaya ya Longido inatekeleza majukumu ya msingi ya kutoa huduma bora za afya kwa wakazi wake kupitia vituo mbalimbali vya kutolea huduma za afya vilivyopo wilayani. Huduma hizi zinalenga kuhakikisha kuwa wananchi wanapata huduma za kinga, tiba, na uhamasishaji wa afya kwa wakati na kwa ubora unaostahili.

Vituo vya Afya Vilivyopo:

Hadi kufikia mwaka 2025, huduma za afya zinapatikana kupitia:

• Hospitali ya Wilaya ya Longido – inatoa huduma za msingi na za rufaa kwa wagonjwa kutoka kata mbalimbali za Wilaya ya Longido.
• Vituo vya Afya viko 6 – vilivyopo katika maeneo ya Kimokouwa, Engarenaibor, Ketumbeine, Olmology, Gelailumbwa na Namanga, na vinatoa huduma za matibabu.
• Zahanati ziko 33 – zilizosambaa katika kata mbalimbali za Wilaya, zikitoa huduma za msingi za afya na matibabu.
• Makao maalumu (nyumba salama) iko 1- nyumba  ya watoto wenye uhitaji maalumu katika Wilaya ya Longido.

Aina za Huduma Zinazotolewa:

• Huduma ya mama na mtoto (chanjo, kliniki ya wajawazito na watoto wachanga)
• Huduma za dharura na rufaa
• Huduma za matibabu ya kawaida na ya wagonjwa wa nje
• Huduma ya upimaji na tiba ya VVU na magonjwa sugu kama kisukari, shinikizo la damu n.k
• Huduma ya afya ya akili na ushauri nasaha
• Huduma za kujifungua kwa akina mama wajawazito.
• Elimu ya afya kwa jamii
• Udhibiti wa magonjwa ya mlipuko na ya kuambukiza.
• Huduma za maabara na vipimo.
• Huduma za Wagonjwa mahututi (ICU).
• Huduma za Macho.
• Huduma za upasuaji.
• Huduma za kuhifadhi maiti (Mortuary services).
• Huduma za mionzi.
• Huduma za Lishe na ushauri wa ulaji wa vyakula.
• Huduma za Meno.
• Huduma za kliniki kwa magonjwa yasiyo ambukiza (NCDs).
• Huduma za ustawi wa jamii.

Mikakati ya Kuboresha Huduma za Afya kwa Mwaka wa Fedha 2025/2026:

1. Kukamilisha ujenzi Hospitali ya Wilaya, Vituo vya Afya pamoja na zahanati mpya katika vijiji na kata zisizo na huduma za afya.
2. Kuongeza upatikanaji wa dawa muhimu na vifaa tiba katika vituo vyote.
3. Kuwajengea uwezo wataalamu wa afya kwa mafunzo ya mara kwa mara.
4. huduma za afya ya msingi kupitia kampeni za uhamasishaji.
5. Kuboresha huduma za afya ya mama na mtoto kwa kupunguza vifo vya uzazi.
6. Kuanzisha na kuimarisha mifumo ya usimamizi wa taarifa za afya kwa kutumia TEHAMA.
7. Kuongeza huduma za upimaji wa magonjwa yasiyoambukiza na ushauri nasaha.
8. Kufanikisha utoaji wa huduma rafiki kwa vijana na makundi maalumu.
9. Kuimarisha huduma za afya ya jamii kupitia Watoa Huduma wa Afya Ngazi ya Jamii (CHW).
10. Kushirikiana na wadau wa maendeleo ili kuongeza rasilimali kwa ajili ya miradi ya afya.