Huduma zetu-MIFUGO

HUDUMA ZA MIFUGO ZINAZOTOLEWA NA HALMASHAURI YA WILAYA YA LONGIDO

Halmashauri ya Wilaya ya Longido kupitia Idara ya Mifugo inatoa huduma mbalimbali kwa wafugaji kwa lengo la kuboresha afya ya mifugo, kuongeza uzalishaji wa mifugo na bidhaa zake, pamoja na kuongeza kipato kwa wananchi. Huduma hizo ni pamoja na:

1. Huduma za Chanjo na Tiba

• Kutoa chanjo dhidi ya magonjwa hatari kama vile Kimeta, Homa ya Mapafu ya Ng’ombe (CBPP), Chambavu, na Kichaa cha Mbwa.
• Tiba ya magonjwa ya kawaida kwa kutumia madawa ya mifugo.
• Kutoa huduma za ufuatiliaji wa milipuko ya magonjwa ya mifugo.

2. Huduma za Ugani

• Ushauri wa kitaalamu kwa wafugaji kuhusu mbinu bora za ufugaji.
• Mafunzo ya ufugaji bora kwa vikundi vya wafugaji na wananchi kwa ujumla.
• Kutoa elimu juu ya lishe bora ya mifugo.

3. Huduma za Tiba ya Majosho

• Usimamizi wa majosho ya mifugo yaliyopo vijijini.
• Upuliziaji wa dawa dhidi ya kupe na kuzuia magonjwa ya ngozi.

4. Huduma za Tiba ya Ndani (Deworming)

• Kutoa dawa za kuua minyoo ya ndani kwa wanyama.

5. Huduma za Uhimilishaji na Uzalishaji Bora

• Uhimilishaji wa ng’ombe kwa kutumia mbegu bora (Artificial Insemination - AI).
• Ushauri juu ya kuchagua madume bora kwa ajili ya uzalishaji.

6. Huduma za Uboreshaji wa Mazingira ya Mifugo

• Kusaidia ujenzi wa malambo na mabwawa ya kunyweshea mifugo.
• Ukarabati wa malisho ya mifugo na kusimamia maeneo ya malisho.

7. Huduma za Usajili wa Machinjio

• Kusimamia usafi wa machinjio na kukagua mifugo kabla ya kuchinjwa.
• Ukaguzi wa nyama kwa ajili ya usalama wa walaji.

8. Huduma za Masoko ya Mifugo

• Kuratibu na kusimamia minada ya mifugo.
• Kusaidia wafugaji kupata taarifa za bei na mahitaji ya soko la mifugo.

9. Udhibiti wa Magonjwa ya Mlipuko

• Kufanya doria na vikao vya ujirani mwema na Wataalam wa upande wa Jamhuri ya Kenya,
• Uanzishwaji wa vizuizi (quarantine) inapohitajika.