Huduma za Afya, Lishe na ustawi wa jamii

IDARA YA AFYA, LISHE NA USTAWI WA JAMII

1. Utangulizi wa Idara

Idara ya Afya, Lishe na Ustawi wa Jamii ni miongoni mwa idara muhimu katika Halmashauri ya Wilaya ya Longido. Idara hii ina jukumu la kuratibu, kusimamia na kutekeleza huduma za afya, lishe bora, na ustawi wa kijamii kwa wananchi wa Wilaya ya Longido.

2. Dira na Dhima ya Idara

Dira(Vision):
Kuwa na jamii yenye afya bora, lishe sahihi, na ustawi wa kijamii kwa maendeleo endelevu ya Wilaya ya Longido.

Dhima(Mission):
Kutoa huduma bora, jumuishi na endelevu za afya, lishe na ustawi wa jamii kwa wananchi wa Longido kwa kuzingatia usawa, ubora, haki za binadamu na ushirikishwaji wa jamii.

3. Vitengo Vilivyo Chini ya Idara

A. Kitengo cha Afya

Kitengo hiki kinasimamia utoaji wa huduma za afya ya msingi, kinga, tiba, na elimu ya afya katika ngazi ya jamii kwa lengo la kuboresha huduma za afya kwa jamii ya Longido kwa kuzingatia ubora, usawa, na upatikanaji kwa wote.

Huduma zinazotolewa ni pamoja na:

• Kliniki za mama na mtoto (Antenatal, uzazi salama, na kliniki za watoto)
• Chanjo
• Huduma za afya ya akili na tiba ya dawa
• Huduma za rufaa
• Huduma za upasuaji
• Huduma za wagonjwa wa ndani (IPD) na wa nje (OPD)
• Huduma za maabara
• Huduma za mionzi (X-ray, Ultrasound, ECHO)
• Huduma za kinywa na meno
• Huduma za magonjwa yasiyoambukiza (NCDs)
• Udhibiti wa magonjwa ya mlipuko
• Ukusanyaji na uchambuzi wa takwimu za afya
• Udhibiti wa magonjwa ya kuambukiza (mfano Malaria, Kifua Kikuu, VVU/UKIMWI)
• Elimu ya afya kwa jamii ili kuzuia magonjwa na kuboresha maisha

B. Kitengo cha Lishe

Kitengo hiki kinahusika na utekelezaji wa mikakati ya kitaifa ya lishe na kutoa elimu ya lishe katika ngazi ya jamii. Kinajielekeza zaidi katika kuboresha hali ya lishe kwa makundi maalum na jamii kwa ujumla kwa lengo la kukuza afya bora kupitia lishe sahihi.

Huduma zinazotolewa ni pamoja na:

• Uchunguzi wa hali ya lishe kwa watoto chini ya miaka mitano
• Ufuatiliaji na tathmini ya viwango vya udumavu, upungufu wa damu na utapiamlo
• Elimu ya lishe bora kwa jamii (kupitia kliniki, shule, na vikundi vya kijamii)
• Ushauri wa lishe kwa wagonjwa waliolazwa na wa kliniki (Clinical Nutrition)
• Ushirikiano na wadau katika kampeni za lishe (kama Siku ya Lishe Duniani)
• Usambazaji na matumizi ya virutubisho muhimu kwa makundi maalum (watoto, wajawazito, na wanaonyonyesha)

C. Kitengo cha Ustawi wa Jamii

Kitengo cha Ustawi wa Jamii kinashughulikia maendeleo ya kijamii na ustawi wa familia, watoto, wazee, watu wenye ulemavu, na makundi mengine maalum. Kitengo hiki hutekeleza sera mbalimbali za ustawi wa jamii kwa lengo la kuhakikisha jamii yenye usawa, haki na ustawi kwa wote, hasa walioko katika mazingira magumu.

Huduma zinazotolewa ni pamoja na:

• Huduma za ushauri nasaha kwa watoto, familia na watu binafsi
• Utambuzi na usimamizi wa makundi maalum kama watoto wanaoishi katika mazingira hatarishi (OVC), wazee na watu wenye ulemavu
• Kuratibu huduma za malezi ya watoto kupitia vituo vya kulelea watoto wadogo (Daycare centers)
• Kushughulikia masuala ya ukatili wa kijinsia na dhidi ya watoto kupitia madawati ya ustawi wa jamii
• Kutoa msaada wa kijamii kwa wahitaji (chakula, malazi, usafiri kwa ajili ya rufaa)
• Uhamasishaji kuhusu haki za binadamu, usawa wa kijinsia na maendeleo ya familia
• Ushirikiano na wadau (NGOs na mashirika ya kimataifa) katika shughuli za kijamii

5. Mikakati ya Idara kwa Mwaka 2025/2026

Katika mwaka wa fedha 2025/2026, Idara ya Afya, Lishe na Ustawi wa Jamii imejiwekea mikakati mahususi kwa lengo la kuboresha huduma kwa wananchi na kuimarisha ustawi wa jamii. Mikakati hiyo ni kama ifuatavyo:

A. Sekta ya Afya

1. Kuboresha miundombinu ya vituo vya kutolea huduma za afya, ikijumuisha ukamilishaji wa ujenzi wa zahanati mpya na vituo vya afya katika maeneo yenye uhitaji mkubwa.
2. Kuongeza upatikanaji wa dawa na vifaa tiba, kwa kuhakikisha usambazaji wa dawa muhimu kwa wakati kwenye vituo vyote vya afya.
3. Kuimarisha huduma za afya ya msingi na ya kinga, kwa kufanya kampeni za chanjo na uchunguzi wa afya wa mara kwa mara.
4. Kuhamasisha jamii kushiriki katika huduma za afya, kupitia mikutano ya kijamii na elimu ya afya kwa umma.
5. Kufanya ufuatiliaji na tathmini ya utendaji kazi wa vituo vya afya, kwa kutumia mfumo wa DHIS2 na takwimu za afya.

B. Sekta ya Lishe

1. Kutekeleza Mpango wa Kitaifa wa Lishe (NMNAP II) katika ngazi ya jamii kwa kushirikiana na wadau wa maendeleo.
2. Kuimarisha ufuatiliaji wa hali ya lishe ya watoto, kupitia zoezi la kupima uzito, urefu na hali ya damu mara kwa mara.
3. Kuendesha kampeni za lishe shuleni na kwenye vituo vya kutolea huduma za afya, kwa kutoa elimu na virutubisho vya lishe.
4. Kuwezesha wanawake wajawazito na wanaonyonyesha kupata lishe bora, kwa kutoa ushauri na virutubisho stahiki.
5. Kujenga uwezo wa watumishi wa afya kuhusu huduma za lishe kliniki (Clinical Nutrition).

C. Sekta ya Ustawi wa Jamii

1. Kuanzisha na kuimarisha madawati ya ustawi wa jamii katika ngazi ya kata, kwa ajili ya kushughulikia masuala ya ukatili wa kijinsia na watoto.
2. Kuratibu utoaji wa huduma kwa wazee, watu wenye ulemavu na watoto wanaoishi katika mazingira magumu, kwa kushirikiana na wadau mbalimbali.
3. Kuwezesha vituo vya kulelea watu wenye changamoto (Nyumba salama) kuzingatia miongozo ya kitaifa ya malezi bora.
4. Kutoa elimu kuhusu haki za binadamu, usawa wa kijinsia na ustawi wa familia kwa jamii, kupitia mikutano na makongamano ya kijamii.
5. Kuimarisha ushirikiano na mashirika yasiyo ya kiserikali (NGOs) na taasisi za dini katika kutoa huduma za kijamii.

• Jedwali la Miundombinu ya Huduma za Afya – Wilaya ya Longido (2025/2026)

• Mawasiliano

Kwa mawasiliano zaidi au kupata huduma, tembelea:

📍OfisiyaAfya,Lishena Ustawi wa Jamii
Halmashauri ya Wilaya ya Longido
🕘 Saa za kazi: Jumatatu - Ijumaa, 1:30 asubuhi – 9:30 jioni
📞 Simu:
📧 Barua pepe: dmo@longidodc.go.tz