Kilimo, Mifugo na Uvuvi

1. UTANGULIZI

Idara ya Kilimo, Mifugo na Uvuvi ni miongoni mwa idara muhimu katika Halmashauri ya Wilaya ya Longido. Idara hii ina jukumu la kuratibu, kusimamia, na kuendeleza sekta ya kilimo, ufugaji na uvuvi ili kuimarisha usalama wa chakula, kuinua kipato cha wananchi, na kuchangia maendeleo ya uchumi wa Wilaya na Taifa kwa ujumla. Idara hutoa huduma za ugani kwa wakulima, wafugaji na wavuvi kwa kushirikiana na wadau mbalimbali wa maendeleo katika sekta hizo.

2. DIRA YA IDARA

Kuwa kitovu cha maendeleo endelevu ya kilimo, mifugo na uvuvi kinachotumia maarifa ya kisasa, rasilimali zinazopatikana, na ushirikiano wa wadau ili kuhakikisha usalama wa chakula, kipato cha wananchi na ustawi wa mazingira.

3. DHIMA YA IDARA

Kutoa huduma bora, za kitaalamu na zenye tija kwa wakulima, wafugaji na wavuvi wa Wilaya ya Longido kwa kuzingatia matumizi ya teknolojia na rasilimali zilizopo kwa maendeleo endelevu.

4. MAJUKUMU YA IDARA

• Kutoa ushauri wa kitaalamu kwa wakulima, wafugaji na wavuvi.
• Kuratibu shughuli za uzalishaji wa mazao, mifugo na samaki.
• Kuhamasisha matumizi ya teknolojia bora za kilimo na ufugaji.
• Kusimamia uendeshaji wa mashamba darasa na vituo vya mafunzo kwa vitendo.
• Kutoa elimu ya lishe bora ya mifugo na matumizi ya malisho bora pamoja na kuainisha maeneo ya malisho na kuyatolea hati miliki za kimila kwa kushirikiana na wadau wa maendeleo.
• Kuratibu huduma za chanjo na matibabu ya mifugo.
• Kusimamia na kuratibu masoko ya mazao, mifugo na samaki.
• Kuhamasisha uvuvi endelevu na ufugaji wa samaki kwa njia ya kisasa.
• Kuratibu utekelezaji wa sera na miongozo ya serikali katika sekta hizi.

5. HUDUMA ZINAZOTOLEWA NA IDARA

a) Sekta ya Kilimo

• Ushauri wa kitaalamu kuhusu mbinu bora za kilimo ,na upatikanaji wa taarifa za hali ya hewa kwa wakati
• Upatikanaji wa pembejeo za kilimo (mbegu bora, mbolea, viuatilifu n.k).
• Mafunzo ya kilimo hai na kilimo cha kisasa.
• Taarifa za masoko na bei za mazao.
• Elimu ya kilimo cha umwagiliaji na uhifadhi wa mazao baada ya kuvuna.
• Kujua afya ya udongo kwa kushirikiana na taasisi za utafiti hasa TARI na kutoa ushauri kwa wakulima na kufanya uchaguzi sahihi wa mazao sahihi ya kulima

b) Sekta ya Mifugo

• Huduma za chanjo na matibabu ya mifugo.
• Ushauri juu ya ufugaji bora na uboreshaji wa mifugo kwa kutumia madume bora(Sahiwal,Boran nk)
• Elimu kuhusu lishe ya mifugo na malisho ya asili/malisho ya kisasa.
• Utoaji wa vibali na usajili wa majosho na malambo.
• Ujenzi wa miundombinu ya mifugo kama majosho, malambo, na minada pamoja na vibanio
• Kufanya ukaguzi wa mara kwa mara wa nyama na machinjio ili kupata zao bora la nyama kwa usalama wa walaji.

c) Sekta ya Uvuvi

• Mafunzo ya uvuvi endelevu na ufugaji wa samaki.
• Kutoa leseni na vibali vya uvuvi halali.
• Elimu juu ya uhifadhi na usindikaji wa mazao ya uvuvi.
• Kutoa huduma ya ushauri kuhusu uanzishaji wa mabwawa ya kufugia samaki.

d) Sekta ya Ushirika

 ni mfumo wa kiuchumi na kijamii unaojumuisha vyama vya ushirika vinavyolenga kuunganisha nguvu za wanachama hasa wakulima, wavuvi, wafugaji, na wajasiriamali ili kufanikisha maendeleo ya pamoja.

Hii ni sekta yenye historia ndefu, lakini hivi karibuni imeanza kupitia mageuzi makubwa ya kimfumo na kiteknolojia.

Katika Halmashauri ya Wilaya ya Longido Sekta ya ushirika ina majukumu muhimu sana katika kuendeleza maendeleo ya kiuchumi na kijamii, Majukumu yanayotekelezwa na Sekta ya Ushirika Ni kama ifuatavyo:

• Kufanya uhaasishai na uanzishwai wa Vyama vya Ushirika,
• Kufanya Ukaguzi na Usimamizi wa Vyam avya Ushirika,
• Kutoa elimu na mafunzo kwa vyama vya Ushirika,
•  Kuhifadhi na kuchambua takwimu za Vyama Vya Ushirika,
• Kusimamia utekelezaji wa sera na sheria za ushirika,
• Kutatua migogoro ndani ya vyama vya ushirika,
• Kuviunganisha vyama vya ushirika na wabia wa biashara,

6. MIRADI YA MAENDELEO INAYOSIMAMIWA

• Mradi wa upandaji wa mazao ya kimkakati kama mahindi, maharage, alizeti na viazi.
• Mradi wa ujenzi na ukarabati wa majosho ya mifugo katika kata mbalimbali kama vile vijiji vya Eworendeke,Irkaswa,Engikaret, Olmog na sehemu zingine
• Mradi wa ufugaji wa samaki kwenye mabwawa mfano kijiji cha Namanga,Longido nk
• Mradi wa mashamba darasa ya kilimo bora cha kisasa mfano Namanga ,Longido
• Mradi wa utoaji wa chanjo za mifugo Wilayani kote.
• Mradi wa uanzishaji wa vikundi vya vijana na wanawake katika kilimo,Mifugo na uvuvi.
• Kupunguza migogo kati ya wanyama pori dhidi ya wakulima na wafugaji kwa kuanzisha shamba darasa la mfano katika kijiji cha Tingatinga kwa kuanzisha mizinga ya nyuki.

7. MIKAKATI YA MWAKA 2025/2026

• Kuongeza uzalishaji wa mazao ya chakula na biashara.
• Kuboresha miundombinu ya mifugo na kilimo.
• Kuwezesha wananchi kupitia vikundi vya uzalishaji na SACCOS.
• Kupanua matumizi ya teknolojia za kisasa kwenye kilimo na ufugaji.
• Kukuza ushirikiano na sekta binafsi katika masoko ya mazao na mifugo.
• Kuhamasisha ufugaji wa samaki kama fursa ya kiuchumi kwa vijana.

8. WATUMISHI WA IDARA (Kwa mfano)

• Mkuu wa Idara – Nestory Dagharo
• Afisa Mifugo  –Dr.Safan Kagoma
• Afisa Uvuvi  – 
• Maafisa Ugani –