AFISA MISITU HALMASHAURI WILAYA YA LONGIDO AKIKABIDHI MICHE 100 YA MITI KWA MALI HAI CLUB LONGIDO SEKONDARI

Posted on: April 17th, 2019

Halmashauri ya Wilaya ya Longido iliyopo jijini Arusha kupitia ofisi ya Afisa misitu Boaz Henry Mtokoma imekabidhi Miti 100 iliyopokea bure kutoka shirika la Echo Africa lenye makao yake Ngaramtoni Arusha kwa  Mwalimu  msimamizi pamoja na wanafunzi wa Mali hai shuleni hapo tarehe 17,april mwaka huu.

Akikabidhi miti hiyo Afisa Misitu Wilaya ya Longido Boaz Mtokoma wakati alipotembelea shuleni hapo huku akiwasihi kuhakikisha miti inapandwa kama ilivyotumwa na kwa wakati ili kukabiliana na hali ya hewa na mazingira hususani Mazingira ya Wilaya ya Longido yanayoonekana kuwa kame kwa kipindi kirefu.

Aidha Boaz amewapongeza  Mwalimu na wanafunzi wa Mali hai club kwa jitihada za kuanzisha kikundi kinachelenga kutunza mazingira huku hakiwataka wasibweteke na kusubili msaada badala yake kuanzisha vitaru vya Miti ili kutunza Mazingira kwa kupanda Miti kwa wingi.

Kwa upande wao Mwalimu pamoja na Wanafunzi wa Mali hai club wametoa shukrani kwa shirika la Echo Africa na kuahidi kupanda hiyo Miti kwa wakati katika mazingira ya Shule hiyo ili kuyantunza Mazingira.