BARAZA LAWASILISHA TAARIFA ZA KATA KWA ROBO YA NNE

Posted on: May 2nd, 2019

Wajumbe wa Baraza la madiwani  wa halmashauri ya Longido wamefanya  mkutano wa kuwasilisha taarifa za kata za robo ya nne za kuanzia mwezi Aprili mpaka Julai 2019, Mkutano huo ulifanyika kwenye ukumbi wa mikutano wa halmashauri hiyo ( Ukumbi wa Nyerere).

Mkutano huo umehudhuriwa na madiwani,Wakuu wa idara na vitengo na wadau mbalimbali kutoka halmashauri ya wilaya ya Longido.

Taarifa hizo  ziliwazilishwa katika nyanja mbalimbali za elimu, maji,afya,kilimo,mifugo na  uvuvi maendeleo ya jamii na miundombinu.

 Pia madiwani hao waliweza kuwasilisha  taarifa hizo wakiwa wameeleza mafanikio  na changamoto wanazokumbana nazo katika nyanja za elimu, kilimo, ufugaji,  utekelezaji  wa miradi ya maendeleo , utunzaji wa mazingira ,kiuchumi, afya pamoja na miundombinu hasa katika kata ya Namanga .

Hata hivyo baadhi ya changamoto zilizo bainishwa ni  pamoja na utoro, upungufu wa madarasa ,nyumba  za watumishi, mabweni, maabara, uhaba wa malisho, usafiri ,miundo mbinu za barabara, maji safi na salama, madawati,vitendea kazi kwenye ofisi za umma.

Vilevile mwakilishi wa Mkuu wa wilaya ambaye ni afisa Ndug. Taboa Nguvila  kwa niaba ya mkuu  wilaya amesema tayali serikali imekwisha tenga bajeti ya Billion 1.5 kwaajili ya ujenzi wa Chuo cha veta, na pia wako katika mchakato wa kupata maeneo ya ujenzi wa Gereza ndani ya wilaya ya Longido Miradi ambayo itasaidia kwa uakaribu kusogeza huduma za kimaendeleo kami Maji, umeme, miundombinu mizuri n.k, lakini pia kusogeza hudumakaribu za mafunzo ya Veta.

Mwenyekiti wa kikao  wakati anafunga mkutano wa baraza alisema anaomba halmashauri kufanyia kazi changamoto zilizowasilishwa na waheshimiwa madiwani wakati wanawasilisha taarifa zao na kuwasihi watumishi wote kuendelea kuziunga mkono jitihada za serikali ili washirikiane kuibadilisha Longido kwa maendeleo.