DC LONGIDO AONGOZA ZOEZI LA KUFANYA USAFI KATIKA ENEO LA STENDI NA SOKO LA LONGIDO MJINI.

Posted on: April 20th, 2024

Katika kusherehekea miaka 60 ya Muungano wa Tanzania, Mkuu wa Wilaya ya Longido Mheshimiwa Marco Ng’umbi leo tarehe 20/04/2024 ameongoza watumishi na  Wananchi wa Wilaya  hiyo katika zoezi la kufanya usafi wa mazingira katika eneo la stendi na Soko Wilayani Longido.

Mheshimiwa Ng'umbi amewataka wananchi kuwa na tabia endelevu ya kufanya usafi katika maeneo yao yanayo wazunguka. Mbali na eneo kuwa nadhifu lakini pia itasadia sana kuepuka magonjwa ya mlipuko kama kipindupindu malaria na magonjwa mengine yanayo fanana na hayo, ambayo chanzo chake ni mazingira kuwa machafu.

Akizungumza kwa niaba ya wananchi waliojitokeza kushiriki zoezi hilo la kufanya usafi Bi Anasia Mwenda amemshukuru sana Mkuu wa Wilaya na viongozi kwa kujumuika pamoja na wananchi kufanya usafi kwenye eneo hili la standi na Soko.

Sherehe za Muungano wa Tanzania zitafikia kilele chake mnamo tarehe 26/04/2024.

JAMHURI YA MUUNGANO WA TANZANIA KAZI IENDELEE