MRADI WA UBORESHAJI USALAMA WA MILKI ZA ARDHI WAFIKA LONGIDO

Posted on: July 8th, 2023

Waziri wa Ardhi nyumba na maendeleo ya makazi Dr. Angeline Mabula leo tarehe 8 /07/2023 Amefungua mkutano wa wadau kujadili mpango wa matumuzi ya Ardhi ya wilaya ya Longido

Mkutano huu umelenga kujadili namna bora ya kuboresha mifumo ya usimamizi wa taarifa za ardhi nchini.

Vile vile mradi umejikita kuongeza usalama wa milki za Ardhi kwa kupanga,kupima na kumilikisha wananchi ardhi mijini na vijijini.

Akizungumza na viongozi, pamoja na wananchi wa Wilaya ya Longido. Dr Angeline Mabula amewahakikishia wananchi wa Longido kuwa Serikali imejipanga vema katika kuondoa migogoro kwenye kumiliki ardhi, ikumbukwe kuwa eneo la Longido asilimia 91 ni eneo la pori tengefu lakini bado kuna shughuli za kibinadamu zinaendelea na amesisitiza kuwa sio nia ya serikali kuwaondoa kwenye maeneo ya makazi ya watu.

Mheshimiwa waziri ameongeza kwa kusema kwamba wizara imejipanga haswa kuhakikisha mambo yanaenda sawa na yanafanikiwa,

Kuna maeneo yanakuwa kwa kasi kama Engaranaibor, Mundarara, Tingatinga ambayo kwa kipindi cha usoni yanaweza kuwa miji kwa hali ilivyo hayawezi kutangazwa kama hayajapangwa vizuri. "Tumieni fursa ya mradi huu kutatua migogoro ya Ardhi" Alisema Dr. Angeline.

Nae mkuu wa wilaya ya Longido Mheshimiwa Henry Ng'umbi ameipongeza Serikali ya awamu ya Sita chini ya uongozi wake Dr Samia Suluhu Hassan kwa kuona ipo sababu ya kuleta mradi huu katika Wilaya hii ya Longido kwani ni mradi wenye tija kwa wananchi wa Halmashauri.

Pia Mheshimiwa mkuu wa wilaya amewaonya viongozi na mtu yeyote ambae anatoa taarifa zisizo sahihi na zinazopotosha swala zima la  umiliki wa Ardhi kisheria,kwani kwa kufanya hivyo kutaleta taharuki kwa wananchi kitu ambacho Mheshimiwa Rais hatopenda kusikia.

"Sisi kama Longido tunashukuru sana kwa Mradi huu tupo tayari kutekeleza mradi ambao tunaona mwanga wa mafanikio kwenye Halmasahauri yetu hii pendwa"Alisema Mheshimiwa Marco Henry Ng'umbi Mkuu wa wilaya ya Longido.

Wadau mbali mbali wametoa maoni yao juu ya mpango mzima wa Mradi huu wa uboreshaji usalama wa Milki za Ardhi.

JAMHURI YA MUUNGANO WA TANZANIA KAZI IENDELEE