MSIMAMIZI WA UCHAGUZI JIMBO LA LONGIDO AFANYA KIKAO NA VYAMA VYA SIASA.

Posted on: August 14th, 2020

Msimamizi wa uchaguzi Jimbo la Longido Dkt Jumaa Mhina leo tarehe 14/08/2020 amekutana na vyama vya siasa vitakavyo shiriki uchaguzi  mkuu wa  mwaka 2020.

Vyama vilivyoshiriki kikao hicho ni Chama cha Mapinduzi (CCM) ,Chama cha Demokrasia na Maendeleo(CHADEMA) na Chama cha Wananchi (CUF), Msimamizi wa Uchaguzi  akiongea wakati wa kikao hicho, amevitaka vyama  vya siasa kufanya uchaguzi kwa amani na utulivu na kuzingatia muda wa kampeni utakapofika kuwa ni  kuanzia saa 2 asubuhi mpaka saa 12 jioni, Lakini pia kuleta ratiba zao za  kampeni mapema ili waweze  kukubaliana,Pia Dkt Mhina  amevitaka vyama hivyo  kurudisha fomu tarehe 25/08/2020.

Vilevile Msimamizi wa uchaguzi amevijulisha vyama kuwa kamati  za maadili zitaundwa kuanzia ngazi ya jimbo mpaka kata na kuwataja wajumbe wa kamati hizo. Dkt Mhina alivishukuru vyama vyote vilivyoshiriki kikao  hicho na kuwakabidhi  sheria ya Taifa ya Uchaguzi, Sheria ya uchaguzi ya serikali za mitaa, Kitabu maelekezo kwa mawakala wa vyama vya siasa na kitabu cha maadili ya uchaguzi wa Rais, Wabunge na Madiwani ya mwaka 2020 na kuwataka kila chama kutimiza wajibu wake.