WATEULE WA VYAMA 4 VYA SIASA WATANGAZWA KUGOMBEA UBUNGE JIMBO LA LONGIDO. .

Posted on: August 25th, 2020

Posted On: August 25th, 2020

  Msimamizi wa Uchaguzi, Jimbo la Longido, Dr. Jumaa Mhina, ametangaza majina ya Uteuzi wa Ubunge wa Jimbo la Longido, uteuzi huo umefanyika kwa mujibu wa ratiba ya Tume ya Taifa ya Uchaguzi. 

   Msimamizi wa Uchaguzi  wa jimbo hilo amefafanua kuwa, jumla ya Wateule wa Ubunge 6 kutoka vyama 6 vya siasa, walichukua fomu za Uteuzi katika Jimbo hilo na baadhi yao, kuzirejesha fomu hizo kwa wakati kwa mujibu wa kanuni na taratibu zilizotolewa naTume ya Taifa ya Uchaguzi.

 Akifafanua zaidi Dr. Jumaa amesema, wateule 4 kati ya wateule 6 ndio waliorejesha fomu za uteuzi na mteule mmoja  alirejesha kwa kuchelewa hivyo tume kushindwa kupokea fomu zake. na mgombea mmoja hajarejesha fomu.

     Aidha amewataja Wagombea walioteuliwa ni pamoja na Feruziy Juma Feruziyson wa Chama cha (NRA) , Dr. Kiruswa Steven Lemomo wa Chama cha Mapinduzi (CCM) ,Mkadam Kombo Mkadam wa Chama (CUF) , Paulina Lukas Laizer wa Chama cha Demokrasia na Maendeleo -(CHADEMA)

Mteule wa chama cha ACT-WAZALENDO alirejesha fomu bila ya kuzingatia muda na kusababisha tume kus hindwa kuipokea  fomu  hiyo.

    Mteule ambae alichukua fomu za Uteuzi wa Ubunge na hakuzirudisha  kwa Msimamizi wa Uchaguzi ni Mteule wa Chama cha Jamii - CCK. 

     Msimamizi wa Uchaguzi, Dkt Jumaa Mhina ametangaza ratiba ya Kampeni za Uchaguzi kuanza rasmi kesho tarehe 26 Agosti 2020 na kuwataka wagombea wote walioteuliwa, kufanya kampeni za kistaarabu na kuepuka lugha za kejeli na matusi huku akiwasisitiza  wananchi kwenda kwenye mikutano ya kampeni na kusikiliza sera za wagombea na kuchagua viongozi bora siku ya Uchaguzi mkuu wa Rais, Wabunge na Madiwani ifikapo ya tarehe 28 Oktoba 2020.