WANAFUNZI WA KIDATO CHA SITA LONGIDO KUSOMESHWA CHUONI NA CCM.

Posted on: February 15th, 2019

Katibu wa itikadi na uenezi wa chama Tawala CCM Ndugu Hamphrey Polepole,amefanya ziara ya kukagua utekelezaji wa ilani ya chama cha mapinduzi ,katika halmashauri ya wilaya ya Longido.Katika ziara hiyo ndugu Polepole ametembelea kisima cha mradi mkubwa wa maji wenye uwezo wa kubeba zaidi ya lita laki nne za maji.Mradi huo unatarajiwa kukamilika ndani ya wiki mbili. hivyo Mh Polepole amemtaka Mkuu wa wiliya pamoja na wa viongozi wa chama kuutembelea mradi huo baada ya wiki mbili ilikuweza kuwaondolea wananchi tatizo hilo kubwa linaloendelea kuwakabili.

Pia mh Polepole ameweza kutembelea shule ya sekondari Longido na kujionea mradi wa ujenzi wa madarasa mawili yanayojengwa kwa nguvu ya michango ya wananchi wa wilaya ambapo amefurahisha na juhudi hizo na kumwomba mkandarasi ajitahidi kuukamilisha ndani ya wakati hili kuweza kuwaondolea wa wanafunzi hao shida hiyo.ujenzi huo unatarajiwa kukamilika mwanzo wa mwezi wa tatu.

Pia Mh polepole alipata fursa ya kuonana na mkuu wa shule hiyo ndugu Daniel Temu na kupewa taarifa fupi ya maendeleo ya wanafunzi ambapo alipendezwa na juhudi zinazofanywa na Walimu kuakisha wanafunzi wanafaulu. Aidha ametoa ahadi ya Mh: rais John Pombe Magufuli ambaye ni mwenyekiti wa chama cha mapinduzi kwamba kwa wanafunzi wote wa kidato cha sita watakaopata daraja la kwanza na la pili kwenye mtihani wao wakitaifa watasomeshwa chuo bure pamoja na gharama zote zikifanywa na chama kama motisha kwa wanafunzi kufanya vizuri.

Mh.Pole pole pia ametembelea daraja la korongo la wazee na kumtaka mkandarasi kukamilisha ujenzi kwa wakati, lakini pia ametembelea Ujenzi wa kituo cha afya Eworendeke na solo la kimkakati la mifugo la Eworendeke .