BARAZA LA MADIWANI LATOA ZAWADI YA KIWANJA KWA MWANAFUNZI CYNTHIA MASUKE ALIYESHINDA TUZO YA UANDISHI WA INSHA KWA NCHI ZA SADC.

Posted on: September 5th, 2019

Baraza la madiwani la Halmashauri ya Wilaya ya Longido  leo tarehe 05/09/2019 limempongeza  na kumzawadia mwanafunzi  Cynthia Masuke toka shule ya sekondari Longido aliyeshinda  tuzo ya uandishi wa Insha kwa nchi za SADC na kushika namba moja.

Mh.Mwenyekiti wa Halmashauri, Mh.Sabore Molloiment akimpongeza mwanafunzi huyo wakati wa kikao cha baraza kwa robo ya nne  April mpaka Juni 2019  amesema  wao kama baraza la Madiwani la Halmashauri ya Wilaya ya Longido wanampongeza sana mwanafunzi Cynthia na   wanampatia  zawadi Tsh.500,000,/-  ikiwa pamoja na kumpatia kiwanja katika kijiji chochote kati ya Oltepes,Orbomba au Ranchi  ambapo mwanafunzi Cynthia  atachagua.

Nae Makamu Mwenyekiti wa Halmashauri Mh.Esupati Ngulupa  na Baraza la madiwani na wakuu wa idara na vitengo wamempongeza mwanafunzi Cythia na wamefurahi sana kwa kuiinua Longido  na wamemkabidhi pesa taslimu za madfari kiasi cha shilingi  Tsh.400,000/=.  .

Nae kaimu afisa elimu sekondari Mwalimu  Asha Kivaju amempongeza mwanafunzi huyo  kwa kuweza kuwa mshindi wa kwanza katika mashindano ya kuandika insha ya Afrika mashariki na kati pia amewapongeza walimu akiwemo mwalimu aliyemwongoza katika uandishi huo,

Pia Mwalimu kivaju amewashukuru madiwani na hasa Mwenyekiti wa Halmashauri kwa kupendekeza mwanafunzi huyu aletwe kwenye baraza kwa ajili ya kupongezwa  vile vile mwalimu kivaju  amemtia  moyo asome kwa bidii ili aendelee kuitangaza Longido  ukizingatia ni mwanafunzi wa kidato cha sita  lakini pia awahimize wenzake kuwa na uthubutu wa kuingia katika mashindano kwani yanakuja kila mwaka.

Mwanafunzi Cythia Masuke aliyeongozana na Mwalimu  wake Mkuu mwl. Godfrey Temu ,Mwalimu wa somo la kiingereza Mwl.Lecho Mahenge na wanafunzi wenzie amewashukuru madiwani wote na kuahidi kufanya vizuri kwenye mitihani yake ya kidato cha sita lakini pia ametoa ombi kwa madiwani waendelee kuwatia moyo wanafunzi wengine watakao fanya vizuri kama yeye.