Kitengo cha sheria husimamia utekelezaji wa sheria na taratibu mbalimbali zinazoratibu shughuli mbalimbali za Halmashauri katika idara zote hivyo majukumu yake ni mtambuka.
SHUGHULI AMBAZO UTEKELEZWA KILA SIKU.
Kutoa ushauri wa kisheria kwa menejimenti ya Halmashauri katika mambo mbalimbali pamoja na wadau wengine,
Kusimamia kesi mbalimbali za Halmashauri kwa kushirikiana na ofisi ya Wakili Mkuu wa serikali,
Kutatua migogoro mbalimbali,
Kuandaa na kufanya upekuzi wa mikataba mbalimbali ya Halmashauri,
Kusimamia utekelezaji wa sheria hususani sheria ndogo za Halmashauri,
Kutunga na kurekebisha sheria ndogo za Halmashauri.
Kutoa ushauri wa kisheria kwa wananchi na
Kusimamia uendeshaji wa mabaraza ya Kata.
SHERIA NDOGO.
Halmashauri husimamia na kutekeleza shughuli mbalimbali kwa kutumia sheria ndogo ambazo zimetungwa, sheria hizo ni pamoja na;
Sheria ndogo za ada na ushuru,Tangazo na 559 la tarehe 05/07/2024,
Sheria ndogo za usafi wa mazingira, Tangazo na 559 la tarehe 05/07/2024 na
Sheria ndogo za kusimamia utekelezaji wa mpango wa afya na lishe ya jamii.
KESI
Halmashauri ina idadi ya kesi 03 ambazo bado zinaendelea katika Mahakama kuu ya Tanzania masijala ndogo ya Arusha. Kesi moja (01) ipo katika hatua ya usikilizaji, kesi moja (01) ipo katika hatua ya kutaja na kesi moja pande zote mbili zimekubali kumaliza mgogoro huo kwa njia ya maelewano na kusaini hati ya maridhiano. Kesi zote zinahusiana na migogoro ya ardhi kutokana na ongezeko la uhitaji wa maeneo ya uwekezaji na makazi.
