HUDUMA ZA KILIMO ZINAZOTOLEWA NA HALMASHAURI YA WILAYA YA LONGIDO
Halmashauri ya Wilaya ya Longido kupitia Idara ya Kilimo inatoa huduma mbalimbali kwa wakulima na wadau wa sekta ya kilimo kwa lengo la kuongeza uzalishaji, tija, usalama wa chakula na kukuza kipato cha wananchi. Huduma hizo ni pamoja na:
1. Ushauri wa Kitaalamu kwa Wakulima
Kuwapatia wakulima elimu ya matumizi bora ya mbegu, mbolea, dawa za kuua magugu na viuatilifu.
Mafunzo ya kilimo bora kulingana na aina ya mazao yanayolimwa katika mazingira ya Longido.
Ushauri kuhusu ratiba za kupanda, kuvuna, na kuhifadhi mazao.
2. Ugani na Ufuatiliaji wa Shughuli za Kilimo
Maafisa ugani hutembelea wakulima mashambani kutoa msaada wa karibu.
Kufuatilia maendeleo ya mashamba, kutambua changamoto na kusaidia kuzitatua kwa wakati.
Utoaji wa takwimu na taarifa za kilimo katika ngazi ya kijiji hadi wilaya.
3. Uendelezaji wa Teknolojia za Kisasa za Kilimo
Kuelimisha wakulima juu ya matumizi ya teknolojia rafiki kwa mazingira.
Kukuza matumizi ya zana bora za kilimo kama matrekta, vipukusa na mashine za kunyunyizia dawa.
Maonyesho ya mashamba darasa kwa ajili ya kujifunza kwa vitendo.
4. Huduma za Mbegu na Pembejeo
Kusaidia wakulima kupata mbegu bora zilizothibitishwa na zinazofaa kwa mazingira ya Longido.
Kuratibu upatikanaji wa mbolea kwa bei nafuu kupitia mpango wa ruzuku.
Kuwahamasisha wakulima kuunda na kujiunga na vikundi ili kununua pembejeo kwa pamoja kwa gharama nafuu.
5. Usimamizi wa Magonjwa na Wadudu Waharibifu
Utoaji wa elimu juu ya utambuzi na kudhibiti magonjwa ya mimea na wadudu waharibifu.
Kutoa viuatilifu na mafunzo ya matumizi sahihi kwa usalama wa chakula na mazingira.
Kufanya ufuatiliaji na tathmini ya athari za magonjwa na wadudu kwa mazao.
6. Uendelezaji wa Kilimo Himilivu
Kuelimisha jamii kuhusu kilimo kinachozingatia mabadiliko ya tabianchi.
Kutumia mbegu zinazohimili ukame na kupanda miti ya matunda kwa ajili ya lishe na mazingira.
Kukuza kilimo mseto na matumizi ya maji kwa ufanisi.
7. Uwezeshaji wa Masoko ya Mazao
Kutoa taarifa za bei ya mazao katika masoko ya ndani na nje ya wilaya.
Kusaidia wakulima kuunda vikundi vya uzalishaji na uuzaji wa mazao.
Kuelimisha wakulima kuhusu ubora wa mazao unaokubalika sokoni.
8. Mikopo na Uwezeshaji wa Fedha kwa Wakulima
Kusaidia wakulima kufikia mikopo kupitia vikundi, SACCOS na taasisi za fedha.
Kushauri kuhusu uandaaji wa mipango ya biashara za kilimo.
Kuelimisha wakulima kuhusu matumizi bora ya mikopo kwa ajili ya shughuli za kilimo.
9. Ushirikiano na Taasisi Mbalimbali za Utafiti na Maendeleo
Kuwezesha wakulima kupata maarifa kutoka taasisi za utafiti kama TARI.
Kuratibu shughuli za wadau wa kilimo ndani ya wilaya.
Kufanikisha usambazaji wa matokeo ya utafiti kwa wakulima.
