Halmashauri ya Wilaya ya Longido inatoa huduma mbalimbali kwa wananchi kwa kuzingatia misingi ya uwazi, uwajibikaji, ufanisi na haki kwa kila mteja. Mkataba huu unaeleza huduma zinazotolewa, muda wa utekelezaji, haki na wajibu wa mteja pamoja na taratibu za kutoa malalamiko au maoni.
2. Dira (Vision)
Kuwa Halmashauri inayotoa huduma bora kwa wananchi na kuleta maendeleo endelevu.
3. Dhima (Mission)
Kutoa huduma bora kwa wananchi kwa kuzingatia ushirikishwaji, uwazi, na matumizi bora ya rasilimali zilizopo.
4. Huduma Zinazotolewa na Muda Wake
Huduma
Maelezo
Muda wa Kutekeleza
Usajili wa wanafunzi
Kupokea na kuandikisha wanafunzi wa shule za awali, msingi na sekondari
Siku 1 hadi 3
Malipo ya fidia au madai
Kushughulikia stahiki mbalimbali
Ndani ya siku 14
Utoaji wa leseni za biashara
Kusajili na kutoa leseni
Siku 1 hadi 2
Kusajili vikundi
Kupokea na kusajili vikundi vya maendeleo
Ndani ya wiki 1
5. Haki za Mteja
Kupata huduma bora, kwa wakati na kwa heshima.
Kupata maelezo sahihi na ya kina kuhusu huduma zinazotolewa.
Kutoa maoni, ushauri au malalamiko bila kubughudhiwa.
Kuhifadhiwa siri za taarifa zao binafsi.
6. Wajibu wa Mteja
Kutoa taarifa sahihi na kwa wakati.
Kufika kwenye ofisi za Halmashauri kwa muda unaotakiwa.
Kuheshimu taratibu, kanuni na maadili ya huduma.
Kulipa ada na tozo stahiki pale inapobidi.
7. Njia za Kutoa Malalamiko/Mapendekezo
Mteja anaweza kutoa maoni, malalamiko au pongezi kwa njia zifuatazo:
Kupitia sanduku la maoni lililopo katika ofisi za Halmashauri.
Kutuma barua pepe: info@longidodc.go.tz
Kupiga simu: +255 27 297 8020
Kutembelea tovuti ya Halmashauri: www.longidodc.go.tz
8. Ahadi ya Uwajibikaji
Halmashauri ya Wilaya ya Longido inawajibika kutekeleza huduma kwa viwango vilivyoainishwa. Pale ambapo huduma haitatolewa kwa kiwango au muda uliotarajiwa, Halmashauri itawajibika kutoa sababu na kurekebisha mapungufu hayo haraka iwezekanavyo.
