Elimu Msingi

ELIMU YA AWALI NA MSINGI

Lengo la Idara

Lengo la Idara ya Elimu ya Awali na Msingi ni kupanga na kusimamia utekelezaji wa sheria, sera, nyaraka na miongozo kuhusu utoaji wa Elimu ya Awali, Msingi, Mahitaji Maalumu na Elimu Nje ya Mfumo Rasmi. Ili kufikia lengo hilo Idara inatekeleza majukumu yafuatayo:-

1. Kupanga upatikanaji, usambazaji na matumizi ya rasilimali katika shule za msingi;
2. Kusimamia upimaji endelevu na mitihani ya taifa ya shule za msingi;
3. Kusimamia utoaji wa elimu ya watu wazima na elimu isiyo rasmi katika ngazi ya awali na msingi;
4. Kuratibu elimu ya stadi za maisha katika shule za msingi;
5. Kufanya tathmini ya mahitaji ya Elimu Maalumu, Elimu ya Watu Wazima na Elimu Nje ya Mfumo Rasmi;
6. Kutoa ushauri kuhusu uanzishaji na uendelezaji wa vituo vya Elimu ya Watu Wazima na Elimu Nje ya Mfumo Rasmi;
7. Kusimamia utekelezaji wa mipango na programu za elimu ya msingi;
8. Kuunda na kutunza kanzidata ya elimu ya awali na msingi na
9. Kuratibu na kusimamia shughuli za michezo katika shule za msingi.
10. Idara hii itaongozwa na Mkuu wa Idara na itajumuisha sehemu nne (4) kama ifuatavyo:-

Sehemu ya Taaluma;

Sehemu ya Vifaa na Takwimu;

Sehemu ya Elimu ya Mahitaji Maalumu na

Sehemu ya Elimu ya Watu Wazima na Elimu Nje ya Mfumo Rasmi.

Sehemu ya Taaluma

Sehemu hii itafanya shughuli zifuatazo: -

1. Kuratibu utekelezaji wa sera, mipango, nyaraka na miongozo ya elimu ya Awali na Msingi katika ngazi ya shule;
2. Kuratibu na kusimamia usimamizi wa upimaji endelevu wa shule na mitihani ya kitaifa ya darasa la Pili (STNA), darasa la Nne (SFNA) na darasa la Saba (PSLE);
3. Kufuatilia na kutathmini utekelezaji wa mipango ya elimu ya awali na msingi;
4. Kutayarisha taarifa za utekelezaji wa mipango na programu za maendeleo ya elimu na
5. Kuratibu utoaji wa elimu kwa ajili ya kujitegemea na kusimamia shughuli/mradi wa kujiingizia kipato katika shule za Msingi.

Sehemu hii itaongozwa na mkuu wa sehemu.

Sehemu ya Vifaa na Takwimu

Sehemu hii itafanya shughuli zifuatazo: -

1. Kukusanya, kuchambua na kutafsiri takwimu za elimu ya awali na msingi;
2. Kuratibu upatikanaji, usambazaji na matumizi ya rasilimali za elimu katika shule za msingi;
3. Kuandaa takwimu za uandikishaji na vifaa vya shule;
4. Kutayarisha taarifa za utekelezaji wa maendeleo ya elimu na
5. Kubainisha mahitaji ya rasilimali za shule katika Halmashauri.

Sehemu hii itaongozwa na mkuu wa sehemu.

Sehemu ya Elimu ya Mahitaji Maalumu

Sehemu hii itafanya shughuli zifuatazo:-

1. Kuandaa na kusimamia mipango ya utekelezaji wa elimu maalumu katika ngazi ya elimu ya awali na msingi;
2. Kutambua watoto wenye mahitaji maalumu na kuwapangia shule;
3. Kukusanya taarifa za wanafunzi wenye mahitaji maalumu na kushauri ipasavyo  na
4. Kuratibu upatikanaji, usambazaji na matumizi ya rasilimali kwa ajili ya elimu maalumu.

Sehemu hii itaongozwa na mkuu wa sehemu.

Sehemu ya Elimu ya Watu Wazima na Elimu Nje ya Mfumo Rasmi

Sehemu hii itafanya shughuli zifuatazo: -

1. Kuandaa na kusimamia mipango ya utekelezaji wa Elimu ya Watu Wazima na Elimu Nje ya Mfumo Rasmi katika ngazi ya elimu ya awali na msingi;
2. Kuratibu elimu ya stadi za maisha;
3. Kufanya tathmini ya mahitaji ya Elimu ya Watu Wazima na Elimu Nje ya Mfumo Rasmi;
4. Kushauri kuhusu uanzishwaji na uendelezaji wa vituo vya mafunzo ya Elimu ya Watu Wazima na Elimu Nje ya Mfumo Rasmi na
5. Kuratibu upatikanaji, usambazaji na matumizi ya rasilimali kwa ajili ya Elimu ya Watu Wazima na Elimu Nje ya Mfumo Rasmi.

Sehemu hii itaongozwa na mkuu wa sehemu.

Idara inasimamia shule za msingi 75 ikiwa shule 59 ni za serikali na shule 16 ni za watu binafsi. Shule zote zina jumla ya wanafunzi 38,734 ikiwa wavulana ni 20,687 na wasichana 18,047.

Jedwali A. Takwimu za Wanafunzi na Walimu

Uandikishaji

Idara ya Elimu ya Awali na Msingi imeendelea kuratibu uandikishaji wa wanafunzi wa elimu ya awali na darasa la kwanza kama ifuatavyo:-

Jedwali B. Uandikishaji wa Wanafunzi wa Awali

Jedwali C. Uandikishaji wa Wanafunzi wa Darasa la Kwanza

Jedwali D. Orodha ya Shule Kikata

Jedwali E. Hali ya Miundombinu na Samani – Shule za Serikali

Jedwali F. Maendeleo ya Kitaaluma PSLE

Jedwali G. Maendeleo ya Kitaaluma SFNA