HAYAWI HAYAWI YAMEKUWA UJENZI WA HOSPITALI YA WILAYA WAANZA KWA KASI.

Posted on: January 16th, 2019

Halmashauri ya Wilaya ya longido imepokea fedha kiasi cha shilingi  Bilioni 1.5 kwa ajili ya ujenzi wa hospitali ya wilaya.

Ujenzi huo utajumuisha majengo yafuatayo ,jengo la wagonjwa wa nje(OPD), maabara,jengo la mama na mtoto,utawala,mionzi,madawa na jengo la ufuaji.

Hospitali hii ikikamilika itahudumia wananchi  takribani 142597 wa Wilaya ya Longido ambao walikosa huduma ya hospitali ya Wilaya kwa muda mrefu

Ujenzi umeanza kwa kusafisha eneo la ujenzi wa hospitali hiyo na tutatumia force account kama tulivyotumia kwenye ujenzi wa vituo vya afya na kufanya vizuri,hayo yalisemwa na  Eng Dimoso .

Nae Mkurugenzi Mtendaji wa Halmashauri Ndg Jumaa Mhina amesema wanaishukuru sana serikali ya awamu ya tano chini ya uongozi wake Dkt John pombe Magufuli kwa kutoa fedha hizo za ujenzi wa hospitali ya Wilaya na atahakikisha hospitali hiyo inajengwa kwa kiwango cha juu na kuwa mfano wa hospitali zote Tanzania.