MSIMAMIZI WA UCHAGUZI JIMBO LA LONGIDO AMEMKABIDHI FOMU YA UTEUZI MGOMBEA UBUNGE DKT STEVEN KIRUSWA KUPITIA CCM.

Posted on: August 24th, 2020

Msimamizi wa uchaguzi Jimbo la Longido Dkt Jumaa Mhina amemkabidhi fomu za Uteuzi wa Ubunge Jimbo la Longido Dkt Stephen Kiruswa kupitia chama cha Mapinduzi (CCM).

Mteule huyo wa Chama cha Mapinduzi, aliwasili majira ya saa 06:10 mchana, kwenye Ofisi ya Msimamizi wa Uchaguzi Jimbo, na kukabidhiwa fomu hizo za Uteuzi mnamo saa 06:35 asubuhi, akiwa ni mteule wa chama chama cha Mapinduzi kuwania nafasi ya Ubunge wa Jimbo hilo.

Mgombea huyo aliwasili kwenye ofisi za Msimamizi wa uchaguzi, akiwa ameambatana viongozi wa chama hicho ngazi wilaya na kata, akiwepo, Katibu wa Chama wilaya ya Longido, katibu mwenezi wilaya, wajumbe wengine wa chama hicho pamoja na baadhi ya wateule wa Udiwani wa chama hicho.

Aidha Msimamizi huyo wa Uchaguzi, alimkabidhi fomu ya Uteuzi mgombea huyo, kufuatia Maelekezo ya Fomu ya Uteuzi Na. 8B, kwa mujibu wa Kifungu cha 38 (3) na (4) cha Sheria ya Taifa ya Uchaguzi sura ya 343 ikiweka wazi mambo yaliyojumuishwa kwenye fomu ya Uteuzi.

Msimamizi wa uchaguzi Dkt Jumaa Mhina amemtaka mteule huyo, kusoma maelekezo yaliyotolewa na Tume ya Taifa Ya Uchaguzi, kuheshimu na kufuata taratibu za Uchaguzi kwa kusoma nyaraka hizo  zenye maelekezo ya taratibu zote za uchaguzi mkuu.

 Aidha amemtaka na kufuata kanuni na taratibu za uchaguzi wakati wote wa kampeni, kwa kufanya kampeni za kistaarabu, ikiwa ni pamoja na kuepuka lugha za kashfa kwa wagombea wengine, lengo likiwa ni kufanikisha uchaguzi kwa amani, huru na haki kwa maendeleo ya wananchi wa Tanzania.