MWL. NYERERE FOUNDATION YAWEKA KAMBI YA SIKU MBILI WILAYANI LONGIDO WAKIHUBIRI AMANI , UMOJA NA MAENDELEO YA WANANCHI

Posted on: January 16th, 2020

Taasisi ya Mwalimu Nyerere iliweka kambi wilayani Longido kwa siku mbili kwa lengo la kuhamasisha umuhimu wa watanzania kutunza Amani na umoja ambazo ndio nguzo ya maendeleo kama Mwl Nyerere alivoagiza kipindi cha uhai wake na ikiwa ni kazi kubwa ya tasasisi hiyo kuhubiri Amani na umoja Tanzania na hata duniani kote.Mkurugenzi mtendaji wa Mwl.Nyerere foundation , Mzee Joseph Butiku alieleza kwa undani na mapana zaidi Nafasi ya viongozi wa ngazi ya serikali za mitaa katika kusimamia katiba , na kuawaeleza viongozi hao ambao ni wenyeviti wa vijiji na watendaji wa kata kua wananchi wanapaswa kusimamiwa kwa mujibu wa katiba na sheria zilizowekwa ili kuepuka migogoro na wananchi na pia viongozi hao wasisite kuwaelimisha wanannchi wao kuhusu umuhimu wa amani katika jamii ili kuwa na jamii salama na yenye kufanya kazi kwa juhudi ili iweze kujipatia maendeleo.

Mzee Gallus Abedi msaidizi maalum wa Mkurugenzi wa Tasisi ya Mwalimu Nyerere pia alizungumzia  juu  ya  namna uongozi wa kijiji , kata , wilaya  , mila na vikundi mbalimbali wanavyopaswa kusimamia Amani , Umoja na Maendeleo ya wananchi akisema kua viongozi wanapaswa kua mstari wa mbele  kuzungumza  habari  ya  Amani  kila wanapokutana  na  wananchi  kwani Amani na umoja wa wananchi hao utawapa nafasi ya kufanya kazi kwa pamoja na ushirikiano hivyo watakua na nafasi ya kuendelea, Mzee Abedi pia alisisitiza kua viongozi hao wanapaswa kulinda rasilimali zilizopo na kuzisimamia kikamilifu  rasilimali hizo kama ardhi ili kuepusha migogoro itakayochochea upotevu wa amani katika jamii wanazo zisimamia kama viongozi.   Mwisho wazee  hawa  kutoka Taasisi ya mwalimu Nyerere walishauri  serikali  hasa  Halmashauri ya Wilaya ya Longido  kushuhulikia  mambo yanayowahusu Wananchi wa Wilaya hiyo bila kuchelewa  hasa  mambo yanayohusu mipaka na umiliki wa ardhi ili kuepusha upotevu wa Amani kwenye jamii ya watu wa Longido. Ikiwa kama dhumuni la taasisi hiyo kuhubiri Amani, umoja na maendeleo ya wananchi , Uongozi wa wilaya ya longido uliwashukuru Taasisi hiyo na kuahidi kufanyia kazi ushauri na maelekezo ya wazee hao wa Taifa la Tanzania na Taasisi ya Mwl .Nyerere.