TIMU YA WATAALAMU KUTOKA HALMASHAURI YA WILAYA YA MOMBA YAJA KUJIFUNZA HALMASHAURI YA LONGIDO.

Posted on: July 13th, 2020

Timu ya wataalamu kutoka Halmashauri ya Wilaya ya Momba  mkoani Songwe leo tarehe 13/07/2020 wametembelea Halmashauri ya Wilaya ya Longido  kujifunza jinsi Halmashauri ilivyoweza kupandisha Mapato ya  Halmashauri kupitia mnada wa Mifugo na vyanzo vingine.

Timu hiyo imeongozwa na Mkurugenzi Mtendaji wa Halmashauri hiyo ndugu Adrian J.Jungu aliyeambatana na Afisa Biashara ,Afisa Mipango na Afisa Mifugo wa Halmashauri ya Momba.

Akiongea na ugeni huo Dkt Jumaa Mhina Mkurugenzi Mtendaji wa Halmashauri ya Longido amesema miaka minne nyuma Halmashauri ilikuwa inakusanya takribani milioni  540 kwa mwaka kutoka kwenye vyanzo vyake mbalimbali lakini sasa tunakusanya wastani wa  bilioni  2 kwa mwaka ambapo tunaweza kutoa asilimia kumi(10%) ya wanawake ,vijana na walemavu bila shida yoyote pia vikao vya waheshimiwa madiwani  vinakaa kama ratiba inavyosema na tumeweza kuchangia  fedha kwenye miradi ya Maendeleo,Pia tumeweza kupandisha mapato ya serikali kuu kupitia mnada huu wa mifugo wa eworendeke  uliojengwa kwa ufadhili wa Programu ya MIVARF ambapo wizara ya Mifugo wamekusanya  wastani wa bilioni 300 na Halmashauri tumekusanya takribani  bilioni 1.2 kupitia mnada huu toka umeazishwa. 

 Mkurugenzi Mtendaji Dkt Mhina na wataalamu wa Halmashauri ya Longido akiongea na wataalamu kutoka Halmashauri ya Momba eneo la mnada Eworendeke.

Afisa Mifugo wa Halmashauri Ndugu Nestory Dagharo akiwaonyesha wageni hao jinsi mifugo inavyoingia na kutoka kwenye mnada huo

 Pia timu hiyo imeweza kutembelea  kiwanda cha kuchakata nyama kinachojengwa na mwekezaji Elia food overseas,wakiwa kiwandani hapo Dkt Mhina alisema  kiwanda hiki kikikamilika Halmashauri inategemea kupata mapato kutokana na kodi ya huduma na tutaweza kutekeleza Miradi yetu ya Maendeleo lakini pia serikali kuu itapata mapato  alisema Dkt Mhina.

 Mkurugenzi Mtendaji wa Halmashauri ya Momba Ndg  Adrian Jungu amemshukuru Dkt Mhina kwa ziara yao yenye mafanikio makubwa na kusema hakika ni Wilaya ya Mpakani inayofaa kuigwa na Halmashauri  za mpakani.