VIKUNDI VIWILI VYAPATIWA MAFUNZO.

Posted on: January 21st, 2019

Vikundi viwili kutoka katika kata za Mundarara na Engarenaibor vimepatiwa mafunzo ya jinsi ya kunenepesha na kuhifadhi malisho  na timu ya wataalamu kutoka idara ya mifugo Halmashauri  ya longido

Vikundi hivyo ni DUPOTO kutoka kata ya Mundarara na ERETO kutoka kata ya Engarenaibor.

Akiongea wakati wa mafunzo hayo mkuu wa idara ya mifugo ndg.Nestory Dagharo amesema lengo kubwa la mafunzo haya ni kuwajengea uwezo wanavikundi hao jinsi ya kunenepesha na kuhifadhi malisho ya wanyama ili waweze kukabiliana na mabadiliko ya tabia nchi.Mradi  huo umefadhiliwa na shirika la maendeleo  (UNDP).

Nae mmoja wa wana vikundi hao amesema wanaishukuru sana serikali yao kwa kuwatafutia wafadhili hao kwani kwa sasa wana uhakika  mifugo yao haitakufa na watakuwa na uhakika wa malisho lakini pia wamejifunza jinsi ya kunenepa mifugo  na kuhifadhi malisho kwa ajili  ya mifugo hiyo.