MSIMAMIZI WA UCHAGUZI JIMBO LA LONGIDO ATOA ELIMU JUU YA UCHAGUZI WA SERIKALI ZA MITAA.

Posted on: September 23rd, 2019

Msimamizi wa uchaguzi wa serikali za mitaa jimbo la Longido  Bi .Natang’aduaki Mollel Leo tarehe 23-09-2019 amefanya kikao cha pamoja na wadau mbalimbali wa uchaguzi wakiwemo  wasimamizi wa uchaguzi ngazi ya kata na vijiji, viongozi wa vyama vya siasa,viongozi wa dini, asasi za kiraia na viongozi wa mila katika ukumbi wa halmashauri akieleze mstakabali mzima wa zoezi la uchaguzi wa serikali ya mitaa unaotarajia kufanyika tarehe 24-11-2019 nchi nzima.

Bi.Natang’aduaki Mollel amewaasa wadau mbalimbali kuitumia fursa hii ya uchaguzi kuwaelimisha wananchi kuchagua viongozi wazuri ambao watakao wasaidia kuchochea na kuleta maendeleo chanya katika jamii. Pamoja na maelezo hayo alipata nafasi ya kusikiliza na kutolea maelezo maswali mbalimbali yaliyoulizwa na wadau wakitaka kufahamu zaidi zoezi zima la uchaguzi wa serikali za mitaa.

Pia msimamizi wa uchaguzi aliendesha semina elekezi kwa viongozi wa serikali ya vijiji kata vitongoji na viongozi ngazi ya halmashauri wakiwemo wasimamizi wasidizi ngazi ya kata (ARO kata) na wasimamizi wasaidizi ngazi ya vijiji (ARO vijiji) na wasimamizi wasaidizi jimbo (ARO jimbo) majukumu yao kabda, wakati na baada ya uchaguzi ikiambata na kiapo cha utii na uadilifu katika zoezi zima la uchaguzi. Pamoja na kupitia na kufanya majadiliano ya  miongozo na kanuni mbalimbali za uchaguzi za mwaka 2019.