HALMASHAURI YATOA MIKOPO KWA VIKUNDI

Posted on: November 15th, 2017

HALMASHAURI YATOA MIKOPO KWA VIKUNDI.

 Halmashauri ya wilaya ya longido Leo tarehe 15/11/2017  imetoa mkopo wa fedha za kitanzania sh.16,700,000/- kwa vikundi vinne  vya kina mama na vijana.

  Afisa maendeleo ya jamii Wilaya Nd.Lotta wakati wa sherehe za makabidhiano hayo amesema vikundi hivyo   ni vya  bodaboda ,wakulima, mifugo na kikundi cha ushonaji wa shanga na urembo wa kimasai.

 Pia Mkurugenzi mtendaji wa Halmashauri ya Wilaya ya Longido  Nd. Jumaa Mhina wakati wa makabidhiano hayo amesema pesa hizo zinazotolewa za mikopo  ni  za mapato ya ndani ya  Halmashauri ya Wilaya ya Longido na mkopo unatolewa  bila riba yoyote kwa vikundi vyote ikiwa ni kutekeleza agizo la  Mh Rais la kutoa asilimia 5% kwa vijana na asilimia 5% kwa wanawake.

 Akikabidhi mikopo hiyo mgeni rasmi ambaye ni Katibu tawala Wilaya Nd.Toba Nguvila kwa niaba ya Mkuu wa Wilaya ya Longido ,amewaasa wanavikundi kuwa  pesa zinazotolewa Leo ni kwa ajili ya kukuza uchumi na kuongeza kipato cha wanavikundi  na si kwa matumizi mengine.

 Vile vile vikundi vilivyopata mikopo wametoa shukrani zao za dhati kwa Halmashauri ya Longido na kuahidi kutumia mikopo hiyo kama ilivyokusudiwa.