MKURUGENZI MTENDAJI AUKARIBISHA MWAKA KWA KUONGEA NA WATUMISHI WA HALMASHAURI

Posted on: January 2nd, 2018

MKURUGENZI MTENDAJI  AUKARIBISHA MWAKA 2018 KWA KUONGEA NA WATUMISHI WA HALMASHAURI.

Mkurugenzi Mtendaji wa halmashauri ya Wilaya ya Longido,Ndg.Jumaa Mhina Leo tarehe 02/01/2018  katika ukumbi wa halmashauri ameongea na watumishi wa halmashauri  na kuwapongeza kwa kufanya kazi kwa ushirikiano mkubwa hali iliyopelekea  mapato kuongezeka kulinganisha na miaka mingine , ufaulu wa darasa la saba kuongezeka, usimamizi wa miradi kuwa mkubwa,  na msukumo wa wananchi wanaojiunga na mfuko wa  bima ya afya wa CHF  kuwa mkubwa.

Aidha Mkurugenzi Mhina amemtaka mganga mkuu wa wilaya kuweka mikakati ya kina mama wajawazito kujifungulia katika hospitali.

 Vile vile  Mkurugenzi Mhina   amezungumzia kuhusu uchaguzi na amewataka watumishi wote kuwa na ushirikiano mkubwa katika shughuli za uchaguzi utakaofanyika tarehe 13/01/2018 na kuwaasa kutokuwa washabiki wa  chama chochote cha siasa.

Vile vile watumishi walipata nafasi ya kuzungumza machache, Mwl Mtera  alimshukuru Mkurugenzi  kwa kuona mchango wa watumishi na  kumhakikishia Mkurugenzi kuendelea  kumpa ushirikiano wa hali ya juu ,aidha amewaomba watumishi  kuwa na maadili mazuri katika utendaji wetu.

Mwisho Mkurugenzi alifunga kikao kwa kuwashukuru watumishi wote na kuwataka kufuata  maadili na kutokata tamaa na kikao cha leo kilikuwa cha kupongezana na kutiana moyo na kusema  kikao  kingine cha kusikiliza Kero za watumishi  kitafanyika mapema baada ya uchaguzi na  aliwakaribisha  watumishi wote chakula cha mchana kilichoandaliwa!