WANANCHI WANUFAIKA NA MNADA WA HADHARA WA MAGARI ,MITAMBO NA PIKIPIKI ULIOANZA LEO LONGIDO

Posted on: April 3rd, 2019

Wananchi wa Longido na wa nje ya Halmashauri ya Longido wamenufaika kwa kununua magari, Mitambo chakavu na Pikipiki katika mnada uliofanyika leo tarehe 03/04/2019 katika makao makuu ya Halmashauri . 

Mnada huo uliendeshwa na Wakala wa Ufundi na Umeme Serikalini (TEMESA-ARUSHA) kwa kushirikiana na muuza mali(dalali) kutoka TRA.Mali zilizouzwa ni magari  2 ,trekta 1 ,tela la trekta 1 na pikipiki  4.

Mkurugenzi Mtendaji wa Halmashauri ndg Jumaa Mhina amesema Mnada huu ni wa siku mbili na kesho tarehe 04/03/2019 mnada utaendelea tena  kwa kuuza magari na mitambo iliyopo katika karakana ya Wakala Ufundi na Umeme Serikalini (TEMESA-ARUSHA) na Lolkisale Monduli.