Timu kutoka ofisi ya katibu mkuu Tamisemi imefanya ziara katika Miradi ya Mabadiliko hali ya hewa na Tabianchi wilayani Longido

Posted on: January 19th, 2018

Ziara ya ukaguzi wa miradi ya  inayotekelezwa  chini ya miradi ya kukabiliana na mabadiliko ya hali ya hewa na tabia ya nchi  imefanywa na wataalam kutoka ngazi ya taifa ,mkoa ,wilaya katika wilaya ya longido leo tarehe 18/01/2018.

Mratibu wa miradi ya mabadiliko ya hali ya hewa na tabia ya nchi ndg.Ally msangi na mhandisi  Evarist Lelo wametoa ufafanuzi  kuhusiana na miradi hiyo kuwa katika  wilaya ya longido kwa sasa kuna miradi 14 inayoendelea kutekelezwa chini ya miradi ya mabadiliko ya hali ya hewa na tabia ya nchi itakayo gharimu  tshs.805,782,499.43 ikiwa ni gharama ya ujenzi na 727,243,499.43,usimamizi wa miradi wakati wa utekelezaji 41,598,000na mafunzo kwa kamati  za kusimamaia miradi  baada ya kukamilika 27,273,500  na ununuzi wa vifaa na madawa 21,585,000.

Vilevile wameorodhesha miradi hiyo kama ifuatavyo 1; miradi ya maji katika vijiji  vya Alaililai,Orbomba,Namanga, Kiserian na Eorendeke na kati ya  miradi hiyo  iliyoko Eorendeke, Alaililai,Orbomba imekamilikan na Namanga na Kiserian iko katika hatua ya mwisho kukamilika 2;mradi wa kununua vifaa na kukarabati kituo cha  afya cha mifugo  Tarafa ya Engarenaibor,3; miradi miwili ya ukarabati wa maji katika vijiji vya Matale'A' na Losirwa ipo katika  hatua ya  mwisho kukamilika, 4;Mradi wa kuhifadhi chanzo cha maji katika kijiji cha Mairouwa ,5; Miradi miwili ya kujenga  vibanio vya mifugo vijiji vya Irkaswa na Olmolog na kukarabati  Josho Moja  katika kijiji cha  Lerangwa na 6; miradi miwili ya maghala  katika vijiji  vya Ildonyo na Mairouwa.

Pia kiongozi wa msafara huo kutoka ofisi ya  katibu mkuu wa TAMISEMI Dr.komba  ngazi ya Taifa  amewasisitiza wananchi kwa ujumla kwamba pamoja na  kuwa ujenzi wa miradi hiyo inaendelea kutekelezwa ni wajibu kila mmoja kuitunza miradi hiyo ili iweendeleza na kutumiwa na kizazi kijacho na kuwa taka wahandisi wate wanaohusika na shughuli hiyo ya  ujenzi wawe makini  na kuhakikisha miradi inakamilika  kwa muda mwafaka  kwani tofauti na hapo hakuna malipo yoyote itafanyika kwa atakaye vuka muda wa makubaliano ya mikataba iliyosainiwa.

Hata hivyo  mwenyekiti  wa kamati  ya mabadiliko ya hali hewa na tabia ya nchi  ndg.Michael Saytoti ameweza kuaandaa taarifa ya  kila mradi ambapo imeeleza changamoto , manufaa na wanufaika wa miradi hiyo kuwa changamoto kubwa ni  uhaba wa maji hali inayosababisha ukame na kudidimia kwa uchumi na hata magonjwa yatokanayo na  ukosefu wa maji hivyo manufaa  ya miradi hiyo nikuwa inua kiuchumi,kimaendeleo na kupungua kwa magonjwa ya mlipuko na ya mifugo  na kupungua kwa hali ya ukame na njaa kutokana na uhifadhi wa chakula kipindi cha mavuno na kutumika kipindi cha njaa.

Hivyo basi  mkuu wa wilaya ya longido ndg.Daniel G. Chongolo na kaimu mkurungenzi  wa halmashauri ya wilaya ya Longido ndg.Geryson mtera wameshukuru sana kwa ziara hiyo fupi iliyofanyika ndani ya wilaya ya longido huku wakiwaomba wataalamu hao wasisite kuwaambia mapungufu watakayoyaona katika miradi hiyo na kuwaahidi kuwa ndani ya siku 14 zijazo watakuwa  wamekamilisha miradi hiyo.