Zoezi la kupiga chapa mifugo laanza kwa kishindo

Posted on: January 4th, 2018

ya wilaya ya longido mkoani  Arusha imezindua zoezi kupiga chapa ng'ombe leo tarehe 05/01/2018 katika kata ya Orbomba  wilayani longido.

Akizungumza na wananchi  wa kata ya orbomba  mkuu wa wilaya ya longido ndg.Daniel G.Chongolo amesema  sababu za kuchapa ng'ombe hao ni kuepukana na usumbufu wa ng'ombe kutoka nje ya nchi kuingia nchini bila ruhusa,kujulikana kwa idadi ya mifugo hao ndani ya nchi,kuepuka/kurahisisha matibabu kwa ngombe pindi wanapougua magonjwa ,ubora wa mifugo hao kulinganisha na sehemu  zingine.

Pia daktari wa mifugo ndg.Safan Kagoma amewasisitiza wananchi hao kuwa kwa yeyote  ambaye hatajitokeza /kushirikiana kwa kuficha ng'ombe  au kukwamisha zoezi hilo  atakapogundulika atachukuliwa hatua za kisheria ,hivyo basi ni wajibu wa kila mmoja kutoa ng'ombe wake wote na kuwekwa chapa.

Kwa upande wake diwani wa kata ya Orbomba ndg.Motika Kasosi amefurahia  zoezi  hilo kuzindiliwa katika kata yake kwani kwa kushirikiana na viongozi wa vijiji  wamewaelimisha wananchi hao  kuhusiana na zoezi zima la uchapaji ng'ombe na hatimaye    kuitikia  kwa kukubaliana nalo.

Vilevile wameeleza changamoto walizokumbana nazo ni kuwa  baadhi ya walengwa hao wamewahamisha mifugo yao kutokana na hali ya ukame  hivyo kuwa na mifugo chache napia wengine kuwa na mashaka kuwa pindi watakapowatoa mifugo yao kuwekwa chapa watakuja kudaiwa kodi.

Hivyo basi ni imani yao viongozi hao kuwa itakapofikia tarehe 22/01/2018 zoezi hilo litakuwa limekamilika  kwani ni agizo kutoka kwa Rais Dr.John Pombe Magufuli  huku wakiendana na kauli ya hapa  kazi tu ya serikali  ya awamu ya tano.